Rudiella (Rudilla en castellano) ye un lugar aragonés en a comarca d'as Cuencas Meneras y provincia de Teruel, perteneixient a lo municipio de Uesa.
En l'anyo 1999 teneba una población de 5 habitants.
Cheografía Rudiella ye situada a 1.124 metros d'altaria sobre lo livel d'a mar, a lo sud-ueste de lo nuclio de Uesa en una prolongación luenga de l'actual termin municipal de Uesa rodeyada por Anadón a lo sud-este, Allueva a lo sud-ueste, Fuent Frida a l'ueste l'aria de Perafita d'o termin de Loscos a lo nord-ueste y Mont-fort a lo norte.
Ye amán d'o puerto de Rudiella, de 1.245 metros d'altaria.
Historia Perteneixió a la seixma de Trassierra d'a Comunidat de Daroca y no a la Honor de Uesa.
Mientres a Guerra Civil, o frent de combate yera amán d'o lugar y estió destruyiu por os bombardeyos.
Dimpués d'a guerra, dende los anyos 1950 dica 1970 tenió una grieu despoblación, emigrando los suyos habitants prencipalment enta Zaragoza. Rudiella en verpueblos.com.
Toponimia As formas toponimicas documentadas son Fuent Arodiella en as primicias de 1279-1280 y Rudiella en atros textos como lo fogache de 1495. Esta zaguera dió por castellanización fonetica l'actual Rudilla.
A forma que trobamos en las primicias de 1279-1280 ye interesant porque ye en linia con atros toponimos documentals aragoneses con a debant de r (Arricla, Arrotellares, Camp Arretunyo, etcetera...), y se considera una influencia linguistica basca en l'aragonés, sobre tot en l'aragonés medieval de l'Alto Aragón.
Demografía
Referencias
Vinclos externos
Categoría:Localidaz d'a diocesi de Teruel y Albarracín en as Cuencas Meneras Categoría:Lugars de Uesa