A Republica de Senegal (Francés: République du Sénégal) ye un país a lo sud d'o río Senegal en l'ueste d'Africa. Senegal muga a l'ueste con l'oceano Atlantico, con Mauritania a lo norte, con Mali a l'este y con Guinea y Guinea-Bissau a lo sud. Gambia ye un enclau dentro de Senegal, en o curso d'o río Gambia. As islas Cabo Verde son situatas a 560 km a l'ueste d'a costa de Senegal.
O país debe lo suyo nombre a lo río Senegal, que lo limita a l'este y a lo norte. Senegal cubre una superficie terrestre de cuasi 197.000 kilometros quadraus y tien una población d'alto u baixo de 18 millons. L'estau ye una republica presidencial unitaria. Dende la fundación d'o país en 1960, ha estau reconoixiu como un d'os países mas estables d'o continent africano. L'estau se formó como parti d'a independencia de l'Africa occidental d'o dominio colonial francés. A resultas d'ista historia, o francés ye l'idioma oficial, pero nomás l'entiende una minoría d'a población. En Senegal se charran mas de 30 idiomas. O wolof ye lo mas charrau: lo 80 % d'a población lo parla como primera u segunda luenga, actuando como luenga franca de Senegal de conchunta con con o francés.
Historia En o sieglo XV, o territorio d'o Senegal estió parte de l'Imperio Cholof, dica l'arribata a ista rechión d'as potencias colonials europeas.
Senegal fació parte d'as colonias francesas dica l'anyo 1960, cuan Senegal declaró a suya independencia.
Organización politico-administrativa Rechions Senegal se composa de catorce rechions, divididas a la vegada en 46 departamentos (lo zaguer departamento se creyó en 2021, dica l'inte nomás bi heba que 45), subdividius a la vegada en districtos, comunas y comunidaz rurals: thumb|right|super|262px|As rechions de Senegal. Rechión CapitalSuperficie(km/2)Población|(censo de 2013) Dakar Dakar 547 3.137.196</tr> Ziguinchor Ziguinchor 7.352 549.151 </tr> Diourbel Diourbel 4.824 1.497.455 </tr> Saint-Louis Saint-Louis 19.241 908.942 </tr> Tambacounda Tambacounda 42.364 681.310 </tr> Kaolack Kaolack 5.357 960.875 </tr> Thiès Thiès 6.670 1.788.864 </tr> Louga Louga 24.889 874.193 </tr> Fatick Fatick 6.849 835.352 </tr> Kolda Kolda 13.771 714.392 </tr> Matam Matam 29.445 562.539 </tr> Kaffrine Kaffrine 11.262 566.992 </tr> Kédougou Kédougou 16.800 152.357 </tr> Sédhiou Sédhiou 7.341 452.944 </tr>
Referencias