Iste articlo ye sobre un grupo de punk. Ta atros emplegos se veiga Good Riddance (desambigación)
Good Riddance (a vegatas abreviato como GR) estió un grupo de punk rock orichinaria de Santa Cruz, California. En a suya carrera musical quitoron siet discos d'estudio con Fat Wreck Chords, y un disco feito en o suyo zaguer concierto en l'anyo 2007. Lideratos por o vocalista Russ Rankin, a formación d'o grupo se completaba con o guitarrista Luke Pabich, o baixista Chuck Platt, y o batería Sean "SC" Sellers. O suyo sonito teneba influencias d'a escena hardcore punk y yeran prou conoixitos por a combinación que feban de punk rapedo y parolas melodicas. As suyas cancions parlaban dende temas de protesta politica y analís critico d'a sociedat americana dica afers personals.
Historia State of Grace Antis d'a formación de Good Riddance, en primerías d'a decada de 1990, Russ Rankin y Luke Pabich feban parti d'o grupo hardcore de Santa Cruz State of Grace. State of Grace quitó una maqueta en cassette, d'alto u baixo 31 minutos de largaria, en 1992; as nueu cancions que teneba fuoron gravatas en "Lumberjack Studios" en "Haward" (se suposa que en Hardvard, California). Facioron dos chicotas chiras con o grupo.
A lista de cancions d'a maqueta yera
Fade Away Agnostic Dream Don't Judge Me Cerebellum I Fight A War It Can Change Hard Facts Sanity Plea Pass You By
Good Riddance thumb|250px|left|Russ Rankin y Luke Pabich Rankin y Pabich s'unioron a Chuck Platt y Sean Sellers ta formar Good Riddance. Sellers, reemplazó a o batería orichinal, Rich Mcdermott, qui tanyó con GR dica l'aparición d'o suyo primer L.P., "For God and Country". Sean Sellers continó con GR dica o e.p. "The Phenomenon of Craving", a on que tanyeba a batería Dave Raun de Lagwagon/RKL. Dave Wagenshutz, mas conoixito como batería d'o grupo de hardcore melodico de Nueva Jersey Lifetime, dentró en o grupo ta gravar os dos siguients discos, fendo tamién parti d'a formación en as chiras de presentación d'os discos. Sellers tornó a lo grupo ta gravar o suyo zaguer disco d'estudio, "My Republic", y tamién fació parti d'o disco que facioron en o suyo zaguer concierto. Toz os miembros d'o grupo refirman os dreitos d'os animals y toz son veganos u vechetarianos. O grupo tamién ha declarato que refirma a People for the Ethical Treatment of Animals (PETA) y a o Partiu Verde d'os Estaus Unius. PETA2 // Out There // Good Riddance
O 3 d'abril de 2007, anuncioron que se deseparaban, Punknews.org y que o suyo zaguer concierto sería o 27 de mayo de 2007 en a suya ciudat, Santa Cruz en California, en a sala The Catalyst. Iste concierto se gravó y apareixió como o suyo disco final, Remain in Memory - The Final Show.
Toz os miembros continan actualment en atros prochectos musicals: Pabich y Sellers en "Outlie", outlie.net Platt en I Want Out, iwantout.com y Rankin en Only Crime.
En agosto de 2009, o guitarrista Luke y o baixista Chuck anuncioron que yeran prencipiando con o suyo nuevo grupo "heavy/agressiva con influencias d'a viella escuela d'o punk y o metal.”
Discografía thumb|250px|Sean Sellers y Chuck Platt Discos d'estudio For God and Country (1995). A Comprehensive Guide to Moderne Rebellion (1996). Ballads from the Revolution (1998). Operation Phoenix (1999). Symptoms of a Leveling Spirit (2001). Bound by Ties of Blood and Affection (2003). My Republic (2006).
Vidiografía Exposed! 1994-1999 VHS (Fat Wreck Chords, 31 de chulio de 2001)
Referencias
Vinclos externos Myspace oficial de Good Riddance Perfil en Fat Wreck Chords Good Riddance en Allmusic Good Riddance en Punknews.org The Liberty Movement Zine - entrevista con o cantaire Russ Rankin
Categoría:Grupos de musica d'Estaus Unius Categoría:Grupos de musica en anglés Categoría:Grupos de hardcore punk Categoría:Grupos de hardcore melodico