Lo valenciano alacantín ye un subdialecto de lo valenciano que se charra en lo País Valenciano, en concreto en las comarcas de lo Sud, de fueras de la Marina Baixa y la población de La Torre de les Maçanes, y a part de l'Alcoyán. Ye un subdialecto que presenta un alto grau de castellanismos y de vez, por contra, un alto grau d'arcaismos.
Caracteristicas chenerals Como en lo meridional, l'articlo definiu plural, tanto masculín como femenín, se converte en es debant palabra encomenzada por consonant: es bous i es vaques; pero prene las formas els, les debant palabras encomenzadas por vocal: els alacantins y les alacantines. Los pronombres febles se mantienen plens. Absorción de la i a lo grupo -ix-: (caixa). Paso de lo diftongo a : (bou), (ou), (pou). La caita de la -d- intervocalica s'extiende a lo sufixo -uda: grenyua (grenyuda), vençua (vençuda). Arbitrariament pasa lo mesmo con atras palabras: roa (roda), caria (cadira), poer (poder). En lo Baixo Vinalopón cuasi tota -d- intervocalica ye elidida. La caita de la -s- intervocalica en palabras terminadas en -esa: vellea (velleza), fortalea (fortaleza), altea (alteza). Manimenos se considera normativo lo termin Bellea solament cuan se refiere a la reina de las fogueras d'Alacant. L'uso de l'adverbio deictico aquí ye muito estendillau en cuenta de lo valenciano cheneral ací pa lo 1r grau de distancia y existe lo demostrativo astò que ha substituito a lo cheneral y normativo açò.
Se veiga tamién Dialectos de lo catalán.
Bibliografía Atlas lingüistico valenciano.
Alicantin