Michael Stephen "Mike" Portnoy (naixito de Long Beach, Nueva York o 20 d'abril de 1967) ye un batería estausunidense conoixito por estar o batería, y co-fundador d'o grupo de metal progresivo Dream Theater. Famoso por a suya habilidat tecnica, Portnoy ha ganato 23 vegatas o prestichioso premio d'a revista Modern Drummer. Amás ha estau co-productor d'os seis zaguers discos de Dream Theater chunto a o guitarrista John Petrucci, prencipiando con Metropolis Pt. 2: Scenes from a Memory. Dende o disco A Change of Seasons, Portnoy escribió una important cantidat d'as parolas d'as cancions de Dream Theater. Estió a segunda persona mas choven (dimpués de Neil Peart) en dentrar en o salón d'a fama de Modern Drummer's (con 37 anyos d'edat).
O 8 de setiembre de 2010, Portnoy anunció que deixaba Dream Theater. O batería citó as diferencias d'intreses como a razón ta a suya salita d'o grupo.
En l'anyo 2010 s'une a Avenged Sevenfold ta gravar con éls o suyo nuevo disco, "Nightmare", a on que reemplazó a o difunto batería, Jimmy "The Rev" Sullivan.
O 3 de febrero de 2011, Portnoy anunció que yera prencipiando un nuevo prochecto musical con o cantaire de Symphony X, Russell Allen.
Referencias
Categoría:1967 (naixencias) Categoría:Baterías d'Estaus Unius Categoría:Naixius d'o estau de Nueva York