Antonio Mompeón Motos, naixito de Zaragoza (comarca de Zaragoza) en 1881 y muerto en ixa mesma capital o 17 de febrero de 1940, estió un periodista y politico aragonés.
Sobrín d'Antonio Motos Martínez, qui yera propietario d'o diario Heraldo de Aragón, dentró a treballar-ie, estando nombrato director-cherent d'o diario en 1909, estando-ne dica a suya muerte en 1940.
Tamién estió rechidor en o Consello Municipal de Zaragoza y director cheneral d'Estatistica mientres a dictadura d'o cheneral Miguel Primo de Rivera, estando tamién subsecretario d'Instrucción Publica en o Gubierno d'a dictablanda d'o cheneral Dámaso Berenguer Fusté en o zaguer gubierno d'a monarquía antis d'a proclamación d'a Segunda Republica Espanyola. Tamién estió senador en o Senau d'Espanya.
Vinclos externos Antonio Mompeón Motos en a pachina web d'a Gran Enciclopedia Aragonesa.
Categoría:Muertos en Zaragoza Categoría:Naixius de Zaragoza Categoría:Periodistas d'Aragón Categoría:Politicos d'Aragón Categoría:1881 (naixencias) Categoría:1940 (muertes)