Eusebio Blasco y Soler, naixito de Zaragoza (comarca de Zaragoza) o 28 d'abril de 1844 y muerto en Madrit (Espanya) o 25 de febrero de 1903, estió un escritor, periodista, poeta, dramaturgo y novelista aragonés, que escribiba en parla baturra y en idioma castellano. Yera chermano d'o dramaturgo Ricardo Blasco.
Ya en 1861, cuan nomás teneba que 17 anyadas, estrenó a suya primer obra en Zaragoza, continando con a-saber-lo exito con as representacions escenicas d'ista y de succesivas obras dica que marchó enta Madrit en morir su pai. En ixa ciudat continó o desarrollo d'a suya carrera literaria, implicandose amás en a vida politica, a on prenió parte en pronunciamientos d'ideolochía liberal, exiliando-se en Francia, a on colaboró con o diario Le Figaro, dica tornar a Espanya. Mientres a restauración d'a monarquía en Espanya, colaboró con os conservadors d'Antonio Cánovas del Castillo.
Vinclos externos
Eusebio Blasco y Soler en a Gran Enciclopedia Aragonesa.
Categoría:Dramaturgos d'Aragón Categoría:Escritors d'Aragón Categoría:Escritors en aragonés Categoría:Muertos en Madrit Categoría:Naixius de Zaragoza Categoría:Novelistas d'Aragón Categoría:Periodistas d'Aragón Categoría:Poetas d'Aragón Categoría:1844 (naixencias) Categoría:1903 (muertes)