A ilesia de Sant Pero Apóstol ye una ilesia d'estilo romanico y con partis mudéchars, d'o sieglo XII, ista en a diocesi de Uesca y en l'arcipestrato de Semontano-Sobrarbe construyita en o lugar de Morrano, d'o municipio de Biarche, en a comarca d'a Semontano de Balbastro, en a provincia de Uesca (Aragón).
Historia En 1097 Per, bispe de Uesca, atorgó a o monesterio de Sant Ponz de Tomeras as ilesias de Labatiella, Morrano, Panzano y Yaso.
Alavez prencipió a construcción d'a ilesia y tamién d'o lugar.
Mientres os sieglos XVII y XVIII se i facioron importants esviellamientos en arte mudéchar.
Descripción thumb|left|250px|Torre romanica y mudéchar con forma en rombos. Ista ilesia tien planta en forma de cruz latina, que inicialment yera de una sola nau, rematata en abside de tambor. Se i facioron cuantos esviellamientos mientres os sieglos XVII y XVIII.
A dentrada ye en forma de arco de meyo punto. En l'interior se combinan as vueltas de canyón y as d'ariesta.
Abside y nau fuoron recrexitas en ladriello mudéchar, tot él queda cuasi amagato por as capiellas laterals construyitas en o sieglo XVIII, cuantas construccions amanatas y o recreiximiento en ladriello a base de arquiellos, a l'estilo de as galerías de os palacios aragoneses d'o sieglo XVI.
Dencima d'a capiella norte ye a torre, romanica en os suyos dos primers trampos y rematata en ladriello mudéchar en os esviellamientos d'o sieglo XVII, o ladriello ye en forma de rombos, ye interesant que tan a o norte de l'Ebro haiga arte mudéchar y amás construito ya en a epoca barroca.
Vinclos externos A. García Omedes: A ilesia de Sant Pero Apóstol de Morrano en RomanicoAragonés.com. José Antonio Tolosa: A ilesia de Sant Pero Apóstol de Morrano en aragonmudejar.com.
Pero Apóstol de Morrano Pero Apóstol de Morrano Pero Apóstol de Morrano Pero Apóstol de Morrano Pero Apóstol de Morrano Morrano Pero Apóstol de Morrano Categoría:Molimentos de Morrano