Alejandro Lerroux García, naixito de La Rambla (Cordoba, Andalucía) o 4 de marzo de 1864 y muerto en Madrit (Espanya) o 25 de chunio de 1949, estió un politico andaluz, activo en a vida politica espanyola dende os primers anyos d'o sieglo XX y dica a Guerra Civil espanyola. D'ideolochía republicana, fació parte de cuantos grupos politicos republicanos dica que en 1908 fundó o Partido Republicano Radical, que lideró dende ixe inte.
Mientres a Dictadura de Primo de Rivera partecipó en cuantas conspiracions ta fer cayer a dictadura, prenendo parte en o Pacto de Sant Sabastián que decidió una sublevación militar y civil ta proclamar a Republica, estando a sola guarnición que se sublevó a de Chaca, en a dita Sublevación de Chaca. Cuan se proclamó a Segunda Republica Espanyola dimpués de fuyir o rei Alifonso XIII, Lerroux se convertió en ministro en o primer Gubierno provisional, ocupando dende alavez cuantos cargos destacatos, incluyindo-ie o cargo de President d'o Consello de ministros, encara que en situacions d'alianza de feito con as fuerzas d'a dreita. Por ixo a suya relación con a ezquierda politica se deterioró (encara que no milloró tampoco muito con a dreta). En prencipiar a Guerra Civil espanyola s'exilió en Portugal, no tornando a Espanya dica 1947.
Categoría:Avogaus d'Espanya Categoría:Ministros d'o Gubierno d'Espanya naixius d'Andalucía Categoría:Muertos en Madrit Categoría:Naixius d'a provincia de Cordoba Categoría:Periodistas d'Espanya Categoría:Presidents d'o Gubierno d'Espanya Categoría:1864 (naixencias) Categoría:1949 (muertes)