Richard Douglas Fosbury, conoixiu como Dick Fosbury naixiu de Portland, (Oregón, Estaus Unius) o 6 de marzo de 1947 y muerto en Salt Lake City (Utah, Estaus Unius) o 12 de marzo de 2023 estió atleta estausunidense actualment retirau y que yera especializau en a preba de brinco d'altaria. Estió campión olimpico en os Chuegos Olimpicos de Mexico 1968 a on se fació famoso con una revolucionaria tecnica conoixida como Fosbury flop, cambeando as tecnicas d'o brinco d'altaria.Revista Atletismo Español, num. 510, chinero de 1999, El Salto de altura, pachina num. 48. Dick Fosbury en os Chuegos Olimpicos. Dick Fosbury en os Chuegos Olimpicos seguntes o COI. Dick Fosbury revoluciona el salto de altura para siempre, en Marca, 20 d'abril de 2021.
Chuegos Olimpícos Dimpués d'a suya victoria en a NCAA a meyaus de chunyo, Fosbury ganó os Trials olimpicos d'Estaus Unius, dos semanas mas tarde en Los Angeles con un blinco de 2.16 m. tot y con a victoria, a suya plaza en l'equipo olimpico no yera asegurada perque a lo Comité Olimpico d'Estaus Unius le preocupaba que los resultaus a livel d'o mar feitos en Los Angeles no podesen repetir-se en a gran altitut de Ciudat de Mexico. En setiembre se celebró unatra competición en o campamento olimpico de Echo Summit, amán de South Lake Tahoe, California. En ixa competición, Fosbury estió un d'os cuatro hombres que superoron 2,18 m, pero yera en o cuarto puesto per mayor numero de brincos nulos. O listón s'elevó a 2,20 m, una altura que garra d'os cuatro heba superau nunca. Manimenos, lo veterano olimpico Ed Caruthers, lo estudiant de secundaria Reynaldo Brown y Fosbury l'aconsiguioron en os suyos primers intentos. Cuan lo cuarto hombre, John Hartfield, unatro estudiant de secundaria que i heba liderado la competición, falló os suyos tres intentos, l'equipo olimpico de tres saltadors quedó establiu.
En os Chuegos de 1968 celebraus en Ciudat de Mexico y tot y con as escepticas reaccions inicials d'a comunidat de brincadors d'altaria, o Fosbury Flop ganó acceptación rapidament. En a competición final, nomás tres saltadors superoron 2,20 m, y Fosbury iba en cabeza per haber superau totas las alturas en o suyo primer intento. En a siguient altura, 2,22 m, Fosbury tornó a superar lo listón en o suyo primer blinco. Lo suyo companyero d'equipo, Ed Caruthers, superó lo listón en o suyo segundo intento, mientres que Valentin Gavrilov d'a Unión Sovietica falló en os suyos tres intentos y obtenió la medalla de bronce. Lo listón s'elevó a 2,24 m, lo que suposaría nuevos récords olimpicos y d'Estaus Unius. Fosbury falló en os suyos dos primers intentos, pero lo superó en o tercer, mientres que Caruthers falló en os suyos tres intentos. Fosbury pidió que se puyase lo listón a 2,29 m. pa los suyos tres zaguers intentos, con a esperanza de bater lo récord mundial de Valeriy Brumel, que teneba cinco anyos d'antiguidat, con 2,28 m. Realizó tres intentos de 2,29 m pa intentar bater lo récord mundial, pero no l'aconsiguió, pero Fosbury amostró lo potencial d'a nueva tecnica aconseguindo la medalla d'oro y establindo un nuevo récord olimpico y estadounidense con 2,24 m.
Referencias
Vinclos externos Dick Fosbury en os Chuegos Olimpicos seguntes o COI. Video de Dick Fosbury en os Chuegos Olimpicos de 1968.
Categoría:Atletas d'Estaus Unius Categoría:Atletas d'Estaus Unius en os Chuegos Olimpicos de 1968 Categoría:Brincadors d'altaria d'Estaus Unius Categoría:Medalla d'oro en os Chuegos Olimpicos Categoría:Medallistas olimpicos d'Estaus Unius Categoría:Naixius d'Oregón Categoría:Muertos en Salt Lake City Categoría:1947 (naixencias) Categoría:2023 (muertes)