O castiello de Noirmoutier ye un castiello situato en a isla de Noirmoutier, en o departamento francés d'a Vendée. En a suya situación domina a comuna de Noirmoutier-en-l'Île con o suyo donchón de mas de 20 metros d'altaria. O castiello ye en buen estato de conservación y ye un eixemplo de l'arquitectura medieval d'o sieglo XII.
Historia As primeras noticias d'o castiello son de 830, con a construcción d'un castrum por l'abat Hilboldo, d'o monesterio de Sant Filiberto. O castrum s'emplegaba ta esfender a os monches d'o monesterio y a la población d'a isla d'os ataques d'os vikingos.
O castiello se reconstruyió en piedra en o sieglo XII por o poder feudal d'a isla, que miraba d'estabilizar a rechión ta impedir os espullamientos que i feban os normandos. En ixos intes, a isla yera dominata por os sinyors de La Garnache. O donchón fue construyito por Pero IV de La Garnache, y dimpués se construyió un recinto con torres ta rodeyar o patio.
En o sieglo XIV, o castiello yera propiedat d'a familia de la Trémoille, que yeran os vizcontes de Thouars.
O castiello resistió muitos ataques: Os angleses en 1342 y en 1360, amás de en 1386 baixo as órdens d'o conte d'Arundel, mientres a Guerra d'os Cient Anyos, Os espanyols en 1524 y en 1588.
Sindembargo, en 1674, as tropas neerlandesas de l'almirant Tromp prenioron o castiello.
En 1690, o sinyor de La Paunière, gubernador d'a isla y d'o castiello, bi construyió una casa en l'interior d'o castiello, ta fer-ne a suya residencia.Oficina de Turismo de Noirmoutier.
En 1720 se vendió o castiello a Loís IV Henrique de Borbón-Condé, qui lo tornó a vender en 1767 a o rei de Francia Loís XV.
Mientras a Revolución Francesa, o castiello se fació servir ta garchola militar. En 1871, mientres a Comuna, se bi engarcholó a bels insurchents.
Arquitectura thumb|left|250px|O castiello de Noirmoutier. O donchón ye situato en o centro d'o recinto, masivo y rectangular. Ye construyito en piedra picata y tien tres pisos; en o tercer piso se troba a residencia d'o sinyor. O donchón tien muitas aspilleras, con chicotas torres defensivas en os suyos anglos. Hue, en o castiello se troba o Museu de Noirmoutier.
O recinto murallato rectangular tien dos torres, una unica puerta y dos garitas en os cuatro anglos.
Vinclos esternos
Descripción d'o castiello de Noirmoutier en a web d'o Ministerio de Cultura de Francia. Pachina web oficial d'a isla de Noirmoutier.
Referencias
Noirmoutier Noirmoutier Noirmoutier Noirmoutier