Tete Montoliu (nombre artistico de Vicenç Montoliu i Massana), naixito de Barcelona (Barcelonés, Catalunya) o 28 de marzo de 1933 y muerto en ixa mesma capital o 24 d'agosto de 1997, estió un musico (pianista) catalán de jazz. Entre os muitos premios que recibió mientres a suya carrera artistica, cal mencionar a Cruz de Sant Chorche de la Cheneralidat de Catalunya en 1993.
Tenendo cieguera de naixencia, se formó en o Conservatorio Superior de Musica de Barcelona, y fació actuacions mas que mas en a suya ciudat natal dica que a meyatos d'os anyos 1950 lo conoixió Lionel Hampton, qui fació que l'acompanyase en as suyas actuacions en a peninsula y lo fació dentrar en o mundo d'o jazz. Dende ixe inte, fació cuantas chiras y conciertos, en primeras por Europa y dimpués por os Estaus Unius, con a-saber-lo exito, consolidando-se a suya fama mundial en os escenarios.
Categoría:Muertos en Barcelona Categoría:Musicos de jazz Categoría:Naixius de Barcelona Categoría:Pianistas de Catalunya Categoría:1933 (naixencias) Categoría:1997 (muertes)