Severino Pallaruelo Campo, naixiu de Puyarruego (val de Puértolas, Sobrarbe, Aragón) en 1954, ye un escritor y profesor d'instituto aragonés.
Ye licenciau en Cheografía y Historia y imparte as asignaturas de Ciencias socials en l'IAS Biello Aragón de Samianigo. Difueras d'a suya actividat profesional en Pedagochía, ha publicau numerosas obras sobre cheografía, historia y etnolochía d'Aragón, amás de poesía y tamién ye autor de letras de bella canción d'a Ronda de Boltaña.
Biografía Naixiu d'un chicot lugar d'a val de Puértolas en o corazón d'os Pireneus, Severino Pallaruelo ha estau o testimonio d'a vida ruda y d'a panda desertificación d'os lugars. Estió profesor en l'instituto de Samianigo (Alto Galligo). Escribió sobre os mitos, os ritos y as tradicions d'os Pireneus, asinas como tamién d'obras d'etnolochía, cuentos y novelas inspiradas en a suya conoixencia d'o país.
Ha publicau escritos sobre oficios antigos, tals como los navaters: Las Navatas (1984), os pastors: Pastores del Pirineo (1988), os moliners: Los Molinos del Alto Aragón (1994). Os suyos escritos literarios son siempre amanaus a la naturaleza y a os paisaches aragoneses. Muitas d'as suyas obras son ilustradas con as suyas propias fotografías. En 2010 publica o libro O trasgresor piadoso en aragonés, a suya luenga materna, dimpuesas de 30 anyos sin escribir en aragonés. Se tracta d'un libro de poemas, reflexions y dibuixos, feitos en un aragonés muit rico.
En 2005 recullió lo premio Truco, atorgau por o Festival de musique et de culture pyrénéennes. En 2010, recullió por Tristes montagnes, a traducción enta lo francés d'a suya obra Pirineos, tristes montes o premio literario d'o Salón d'o Libro Pirenaico de Banyeras de Bigorra.
Publicacions 1984: Viaje por los Pirineos misteriosos de Aragón, Zaragoza. 1984: Las Navatas, Huesca, Instituto aragonés de antropología. 1988: Pastores del Pirineo. 1990: Pirineos, tristes montes, reed. Xordica Editorial, 2008. Trad. francesa: Tristes montagnes, Paris, Éditions Ramonda, 2010. 1991: Guía del Pirineo aragonés. 1992: Pirineos, diario de la naturaleza. 1993: Bardaxí : cinco siglos en la historia de una familia de la pequeña nobleza aragonesa, Samianigo, Uesca (Instituto Laboral, 30). 1994: Los Molinos de Alto Aragón. 1997: Un secreto y otros cuentos. 2000: José, un hombre de los Pirineos, Zaragoza, PRAMES, S.A.. 2002: Guali, Zaragoza, PRAMES, S.A.. 2006: Comarca de Sobrarbe. Gubierno d'Aragón, Centro del Libro de Aragón. 2008: Zaragoza Turistica. Zaragoza, PRAMES, S.A.. 2010: O trasgresor piadoso, Zaragoza, Xordica Editorial. 2013: Ruido de Zuecos, Xordica Editorial. El prodigio, Instituto de Estudios Altoaragoneses. 2018: Cadenzias, Rolde de Estudios Aragoneses. Varios autors, replegada de poesías en aragonés.
Vinclos externos Severino Pallaruelo Campo en a Gran Enciclopedia Aragonesa.
Categoría:1954 (naixencias) Categoría:Cheografos d'Aragón Categoría:Escritors d'Aragón Categoría:Escritors en aragonés Categoría:Escritors en castellano Categoría:Etnologos d'Aragón Categoría:Historiadors d'Aragón Categoría:Licenciaus en Cheografía y Historia Categoría:Naixius de Puyarruego Categoría:Novelistas d'Aragón Categoría:Miembros d'o Centro d'Estudios de Sobrarbe