Juan Martín de Goicoechea y Galarza, naixito de Bakaiku (Navarra) l'1 de noviembre de 1732 y muerto en Zaragoza (comarca de Zaragoza, Aragón) o 4 d'abril de 1806, estió un empresario aragonés d'orichen navarro. Dende primerías d'os anyos 1770 s'heba convertito en o mas destacato empresario d'a ciudat de Zaragoza en ixas envueltas.
O suyos negocios abracaban cuantas ramas de l'actividat economica: cautivos d'oliveras en os campos de l'actual districto de Las Fuents y de vinyas (incluyindo-ie a elaboración d'aceite d'oliva y de vin), industria textil de lana y seda, fundicions de fierro y negocios d'importación y exportación de productos; exerció tamién funcions como banquero.
Politicament, yera un partidario d'a Ilustración, que heba conoixito mientres os suyos viaches enta Francia, y favoreixió o desarrollo en a ciudat de l'arte neoclasico, plegando mesmo a financiar una Academia de Debuixo conectata con a Real Sociedad Económica Aragonesa; ista Academia se convertió dimpués en l'actual Real Academia de Nobles y Bellas Artes de San Luis de Zaragoza.
Vinclos externos
Juan Martín de Goicoechea en a Gran Enciclopedia Aragonesa.
Categoría:Empresarios d'Aragón Categoría:Empresarios de Navarra Categoría:Muertos en Zaragoza Categoría:Naixius de Bakaiku Categoría:1732 (naixencias) Categoría:1806 (muertes)