Sant Prudencio Galindo (conoixito en Francia como Prudencio de Troyes), naixito en o sieglo IX en o condau d'Aragón y muerto seguntes a tradición o 6 d'abril de 861 en Troyes (Reino franco, hue Francia), estió un santo aragonés, fácil que d'o linache Galindo, titular d'o condau d'Aragón, y familiar asinas de Galindo Garcés. O suyo nombre estió Galindo, encara que dimpués adoptó o nombre de Prudencio en a honor d'un poeta aragonés d'ixas envueltas.
Ninviato de nino a o reino franco, con o cual os Galindo teneban buenas relacions, Carlos II o Calvo li concedió poders ta reformar os monesterios d'o suyo reino, estando nombrato bispe d'a diocesi de Troyes.
D'entre a suya obra como teologo, destaca a suya participación en a polemica sobre a predestinación, con De prædestinatione contra Johannem Scotum, refutando as opinions de Johannes Scotus Eriugena (Chuan Escoto), y Epistola tractoria ad Wenilonem; encara que tamién ye autor d'atras obras como Vita Sanctæ Mauræ Virginis. Antiparte, colaboró en os Annales Bertiniani, una fuent imprescindible ta a historia d'o reino franco.
Vinclos externos San Prudencio Galindo en a Gran Enciclopedia Aragonesa. Prudentius en a Catholic Encyclopedia. Obras de Sant Prudencio Galindo en Documenta Catholica Omnia (.pdf).
Categoría:Bispes santos Categoría:Santos catolicos Categoría:Santos d'Aragón Categoría:Santos de Francia Categoría:861 (muertes)