A gripia de montanya u escurzón pirinenco () ye una especie de gripia u escurzón distribuita por Europa Occidental y que se troba en os Pireneus, Prepireneu, a part alta d'a val d'Ebro y o nord-ueste d'o Sistema Iberico. Perteneixe a o chenero Vipera, familia Viperidae, suborden Serpentes, orden Squamata y clase Reptilia. Ye a mas verenosa d'as tres gripias ibericas.
Se diferencia d'atras gripias en a forma d'o morro, con o cabo prominent, adrezando-se liucherament enta alto y dos u tres escatas apicals.
Denominacions vernaclas Denominacions vernaclas no exclusivas en aragonés son gripia y escurzón. Gripia ye a evolución d'a palabra latina Vipera d'alcuerdo con a fonetica aragonesa (VIPERA > VIPRA > VRIPA > gripia, como en gramito), u escurzón, mes propia d'as parlas aragonesas orientals (Sobrarbe, Ribagorza), y de l'aragonés residual d'o Baixo Aragón, Mayestrato y Gúdar-Chabalambre, y cognato d'o catalán escurçó, que se diz en o catalán nordoccidental d'as comarcas orientals d'Aragón.
Se fa mención d'a gripia como vipra en o "Libro d'el Trasoro" y li dedican un capítol.
Subspecies V. aspis aspis, present en gran parti de Francia, os Pirineus, o sud d'a Selva Negra en Alemanya, o nord d'Italia y l'oeste de Suiza. V. aspis atra, en Suiza. V. aspis francisciredi, centro d'Italia. V. aspis hugyi, Italia meridional. V. aspis zinnikeri, present en Gascunya, Andorra y en o Pirineu central espanyol.
Se veiga tamién Sirpient. Cullebra.
Referencia
Vinclos externos
Aspis Categoría:Fauna d'Andorra Categoría:Fauna d'Espanya Categoría:Fauna de Francia Categoría:Fauna d'Italia Categoría:Fauna de Suiza Categoría:Fauna d'os Pireneus Categoría:Reptils d'Aragón Categoría:Taxons nombraus por Carl Linnaeus