Nolwenn Leroy, (naixita 28 de setiembre de 1982 de Lokournan, Finisterre), ye una cantaire bretona, descubierta por o reality show d'a televisión francesa Star Academy. Ye conoixita por suyos dos singles que han plegato en o numero un "Cassé" y "Nolwenn Ohwo!". As suyas cancions son en francés y en bretón.

Biografía Os pais de Leroy deixoron chunto con ella o suyo lugar natal de Lokournan cuan teneba nomás cuatre anyos. Dimpués de vivir en París, Lille y Gwengamp, su mai Murielle, Leroy, y a su chirmana chica, se'n fuoron a vivir ta casa d'os abuelos de Leroy en Sant Tiourre (Alier). Su mai s'heba divorciato de su pai, o futbolista profesional Jean-Luc Le Magueresse, en 1992.

Estudió en o "Collège des Célestins" en Vichèi. Cuan Leroy teneba 11 anyos, a suya mayestra de musica descubrió as suyas habilidaz musicals, y l'alentó a aprender vriolín. Con 13 anyos d'edat ganó o concurso "Les écoles du désert", organizato por a cadena de supermercatos Cora, por lo que viachó con una misión humanitaria dende Gao dica Timbuktú, Mali. Dimpués comentó que iste feito tenió una gran influencia en ella.

En chulio de 1998, obtenió una beca d'o Rotary Club de Vichèi ta estudiar en Cincinnati, Ohio, como estudiant d'intercambeo. Mientres estió astí, fuó ta escuela d'artes Hamilton High School. De tornada en Francia, y parlando con fluideza anglés, prencipió a fer clases de canto clasico en o conservatorio musical de Vichèi. Dende 2001 estudió Dreito en a Universidat de Clarmont-Ferrand, como una potencial carrera alternativa a la musica.

Star Academy Dimpués de veyer a primera edición d'o programa televisivo Star Academy en 2001, Leroy quedó impresionata por Armande Altaï, un d'os miembros d'o churato; por lo que decidió estudiar clases de canto con Altaï. En 2002, dimpués de fer as prebas, fue trigata ta a segunda edición d'o programa, y en zaguerías o publico la trigó como ganadora debant de l'atro finalista, Houcine.

Grabacions Nolwenn Leroy (2003) O primer disco de Leroy, Nolwenn, amaneixió en marzo de 2003 y ya heba vendito mas de 400.000 copias en noviembre d'ixe mesmo anyo. En 2006, Universal Music dició que s'heban vendito mas de 700.000 copias, encara que no bi ha certificación oficial d'iste feito por o Syndicat national de l'édition phonographique. Cuatre cancions d'o disco, "Cassé", "Une Femme cachée", "Suivre une étoile" y "Inévitablement" amaneixioron tamién como singles. Dende aviento de 2003, Leroy presentó o disco en una chira por Francia, Belchica y Suiza.

Histoires Naturelles (2005) O segundo disco de Leroy, Histoires Naturelles, fue producito por Laurent Voulzy. Amaneixioron cinco singles de cancions d'o disco. "Nolwenn Ohwo!", escrita por Alain Souchon y Voulzy, que gosó estar numero un d'as listas d'exitos francesas."Nolwenn Ohwo! - Chart performance" O segundo single estió a canción "Histoire Naturelle". Se facioron vidios musicals d'as dos cancions; o vidio d'"Histoire Naturelle" expresa o tema prencipal d'o disco, con Leroy vesitando una exposición d'un museu d'historia. D'a resta de single, "Mon Ange" fue distribuito dichitalment, mientres que "J'aimais tan l'aimer" y "Reste Encore" fuoron nomás promocionals. Dende setiembre de 2006 y aintro d'a chira "Histoires Naturelles Tour" Leroy interpretó cancions d'os discos Histoires Naturelles y Nolwenn. O primer disco en directo de Leroy se publicó dimpués d'ista chira en octubre de 2007.

Le Cheshire Cat & Moi (2009) Le Cheshire Cat & Moi estió un prechecto que prencipió en 2007, co-escrito por Leroy y Teitur Lassen, con contrebucions de Jonatha Brooke, Michelle Featherstone, Mike Errico y Rupert Hine. Fue producito por Lassen, y gravato en Sweden y as Islas Feroe. Tien un sonito mas acustico que Histoires Naturelles, y dió a oportunidat a Leroy de composar musica por primera vegada. O disco amaneixió en aviento de 2009. Se fació a chira "Le Cheshire Cat & Vous" ta promocionar o disco en 2010.

Bretonne (2010) Leroy quitó o suyo cuatreno disco d'estudio, Bretonne, o 6 d'aviento de 2010. Iste disco incluye versions de cancions tradicionals celtas como "Mná na h-Éireann", y cancions contemporanias como "Brest" de Christophe Miossec. A mayoría d'as cancions tienen bella relación con Bretanya, o país a on que naixió a cantaire, y cuatre d'ellas son en bretón. Leroy colaboró con Jon Kelly ta fer os apanyos musicals."Fourth Studio Album Release Information" O disco estió o primero en as lista d'exitos francesas mientres 8 semanas.

Investigacions S'han feito estudios d'o impacto neurolochico d'a musica de Leroy entre as personas de mas edat."Fall Prevention in a Geriatric Nursing Home Setting Using the Music of Nolwenn Leroy" at ClinicalTrials.gov"Study of the Effect of the Music of Nolwenn Leroy in Fall Prevention Strategies in Texas Nursing Homes" at ClinicalTrials.gov"Fall Prevention Strategies Including Music and Posturography" at ClinicalTrials.gov Os cientificos troboron que a musica de Leroy puet tener efectos mas beneficiosos que atras musicas, afirmando que: "s'ha trobato que a musica de Nolwenn Leroy tien un efecto positivo significativament superior a atras musicas testeatas". Ta describir o fenomeno fan servir o termin efecto Nolwenn, decindo que: "a musica de Nolwenn Leroy pareixe tener un efecto diferent sobre a modulación de funcions motoras d'o cerebro en comparanza con atras musicas testeatas".

As prebatinas se facioron con musica de Mozart y de diferents cantaires neerlandeses y franceses; entre os que nomás s'especificó a Leroy. O estudio remató en febrero de 2008 en os Estaus Unius, pero no s'han publicato resultatos substancials.Falling over. The Guardian, online.

Discografía Discos Anyo TítolPosición en as listasFRBELSWI 2003 Nolwenn112 2005 Histoires Naturelles3744 2009 Le Cheshire Cat et Moi2632- 2010 Bretonne1120 2012 Ô Filles de l'eau 5535 2017 Gemme3315 2018 Folk6528 2021 La Cavale8745

Singles Anyo TítolPosición en as listasDiscoFRBELSWI 2003 "Cassé"114 Nolwenn "Une Femme Cachée"402378 "Suivre Une Etoile"122444 2004 "Inévitablement"3126- 2006 "Nolwenn Ohwo!"1329 Histoires Naturelles "Histoire Naturelle"3039- "Mon Ange"14*6*- 2007 "J'aimais Tant L'Aimer"--- "Reste Encore"--- 2009 "Faut-il, Faut-il Pas ?"-6*- Le Cheshire Cat et Moi 2010 "Suite Sudarmoricaine"-26*- Bretonne "La Jument de Michao"34*13- "Tri Martolod"48*29- "Brest"---

* Posición en as listas de descargas francesas y a belga Ultratip"Belgian Singles Charts"

- Significa que o single no estió en as listas u no fue quitato como single promocional

Referencias

Vinclos externos Pachina oficial de Nolwenn Leroy Pachina no oficial sobre Nolwenn Leroy Biografía de Nolwenn Leroy, en Radio Francia Internacional Nolwenn Leroy fan forum Nolwenn Leroy: radio online Vidio d'a canción Mná na hÉireann (Mullers d'Irlanda) Vidio con a versión d'o Bro Gozh Ma Zadoù de Nolwenn Leroy

Categoría:1982 (naixencias) Categoría:Cantaires de Bretanya Categoría:Naixius de Finisterre Categoría:Cantaires en bretón Categoría:Cantaires en francés