Iste articlo tracta sobre a Escuela d'Incheniería y Arquitectura de Zaragoza. ta atros emplegos se veiga Eina (desambigación).
A Escuela d'Incheniería y Arquitectura (en castellano Escuela de Ingeniería y Arquitectura), EINA, ye o centro d'a Universidat de Zaragoza a on que s'imparte l'amostranza d'as titulacions de grau, master y doctorau en as diferents brancas d'a Incheniería y de l'Arquitectura. A escuela fue establida en 2011, cuan fue creyada como producto d'a integración d'o Centro Politecnico Superior (CPS) y a Escuela Universitaria d'Incheniería Tecnica Industrial de Zaragoza (EUITIZ).
A escuela ye situata en o Campus Río Ebro d'a ciudat de Zaragoza y trestallata en tres edificios: Ada Byron, Torres Quevedo y Betancourt. En o Campus, situato en o districto de l'ACTUR y amán de Chuslivol, tamién se troban uno d'os edificios d'a Facultat d'Economía y Empresa (edificio Lorenzo Normante, l'antiga Escuela Universitaria d'Estudios Empresarials de Zaragoza) y bels institutos universitarios y d'investigación.
Historia thumb|right|250px|Interior de l'edificio Torres Quevedo
O día 14 d'abril de 2011, se publicó en o Boletín Oficial de Aragón a Orden por a que s'autorizaba a supresión d'o Centro Politecnico Superior y a Escuela Universitaria d'Incheniería Tecnica Industrial de Zaragoza, creyando-se d'a suya integración a Escuela d'Incheniería y Arquitectura d'a Universidat de Zaragoza.ORDEN de 6 de abril de 2011, del Consejero de Ciencia, Tecnología y Universidad, por la que se publica el Acuerdo de 5 de abril de 2011, del Gobierno de Aragón, por el que se autoriza la creación de la Escuela de Ingeniería y Arquitectura [...] Provisionalment, o primer director d'a Escuela estió Enrique Masgrau Gómez, qui yera dica alavez o director d'o Centro Politecnico Superior, a qui succedió Rafael Bilbao Duñabeitia, primer director electo d'a EINA.Elegido el director de Ingeniería. Articlo en El Periódico de Aragón, 29/06/2011.
Estudios En a Escuela d'Incheniería y Arquitectura s'ofreixen os siguients estudios de grau, seguntes o Plan Bolonya:Lista d'estudios de Grau en a EINA
Incheniería electrica Incheniería electronica y automatica Incheniería mecanica Incheniería quimica Incheniería de tecnolochías industrials Incheniería informatica Incheniería de tecnolochías y servicios de telecomunicación Incheniería en disenyo industrial y desarrollo de producto (s'ufriba en a EUITIZ dende o curso 2008/2009) Arquitectura (s'ufriba en o CPS dende o curso 2008/2009)
Amás d'as anteriors titulacions, a Escuela continó a impartición d'os títols que se trobaban en extinción en o Centro Politecnico Superior y en a EUITIZ:
Incheniería informatica Incheniería quimica Incheniería industrial Incheniería de telecomunicacions Incheniería tecnica industrial (mecanica, quimica, electricidat y electronica) Incheniería tecnica en disenyo industrial
Respective a os estudios oficials de postgrau, se i puet estudiar actualment ueito masters universitarios oficials:Lista d'estudios de Máster en a EINA Incheniería de Sistemas y Informatica. Tecnolochías d'a Información y Comunicacions en Rez móbils. Incheniería Electronica. Incheniería Biomedica. Enerchías Renovables y Eficiencia Enerchetica. Mecanica Aplicada. Sistemas Mecanicos. Introducción a la Investigación en Incheniería Quimica y d'o Medio Ambient.
Antiparte, s'ofreixen cuantos estudios propios (masters, postgraus y diplomas d'especialización) estando continación d'a ofierta que se feba dende l'extincto Centro Politecnico Superior.
Referencias
Categoría:Facultaz y escuelas d'a Universidat de Zaragoza