Grupo 11 Periodo 4 29Cu 5 47Ag 6 79Au 7 111Rg O grupo 11 d'a tabla periodica lo forman os siguients elementos: Arambre (Cu) Archent (Ag) Oro (Au)
O element roentguenio (Rg), por estar un elemento sintetico, y en no trobar-se de forma natural, no se gosan contar en parlar d'os elementos d'o grupo 11, encara que estrictament en fa parti.
Codigo de colors emplegato en a tabla: Metals de transición
Istos tres metals son ditos "metals d'acunyar", encara que no ye un nombre recomendato por a IUPAC. Son relativament inertes y dificils de robinar. S'han emplegato amplament en l'acunyación de monedas, y d'ista aplicación proviene o nombre de metals d'acunyar. L'arambre y l'oro son d'os pocos metals que presentan coloración.
Amás d'as suyas aplicacions monetarias y decorativas, tienen muitas atras aplicacions industrials debito a belunas d'as suyas sobrebuenas propiedaz. Son muit buenos conductors d'a electricidat (os mas conductors de toz os metals son l'archent, l'arambre y l'oro, en iste orden). L'archent tamién ye o elemento que presenta una mayor conductividat termica y mayor reflectancia d'a luz. Amás, l'archent tien a poco común propiedat de que a capa que se forma cuan s'oxida contina estando conductora d'a electricidat.
L'arambre tamién s'emplega amplament en cordons electricos y en electronica. A vegadas se fan servir contactos d'oro en equipos de precisión. A vegadas tamién s'emplega l'archent en istas aplicacions, y tamién en fotografía, agricultura, medicina, equipos de sonito y aplicacions cientificas.
Istos metals son muit blandos y no soportan bien l'uso diario d'as monedas, desgastando-se con o tiempo. Por ixo han d'estar aliaus con atros metals ta conseguir monedas mas duraderas, mas duras y mas resistents a o desgaste.
11