Iste articlo tracta sobre o municipio de Cosculluela de Sobrarbe. Ta o lugar que le daba nombre, se veiga Cosculluela de Sobrarbe.
Cosculluela de Sobrarbe (oficialment, en castellano, «Coscojuela de Sobrarbe» «Coscojuela de Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada l'1 de mayo de 2011.) ye un municipio historico d'Aragón, en o que en l'actualidat ye a comarca de Sobrarbe y en a provincia de Uesca.
Se'l puede documentar dende os primers censos modernos de 1842 dica la suya absorción en o municipio de l'Aínsa en os anyos 1960.
Cheografía O municipio en primeras no incluiba sique o lugar de Cosculluela de Sobrarbe, que mientres toda la suya existencia en fue a capital.
Cosculluela se troba en un plano que forma una colladeta d'entre as dos alturas mayors que tiene o dito «tozal de Cosculluela», y domina d'una mano a valleta d'o barranco de a Capana, corso d'augua menor que desembocaba en a Cinca aman d'ixa localidat, y por l'altra la valle d'a Cinca, que en l'actualidat ye ocupada a ran de Cosculluela por o pantano de Mediano.
Tot lo termin municipal, por tanto, se trobaba comprendiu en a valle principal d'o río Cinca, y teneba mugas con os municipios de l'Aínsa en norte (que remataría por absorver-lo), Cherbe y Griébal por o nord-este, Mediano por o sud-este, Castillón de Sobrarbe por o sud-ueste, y Santa María de Buil por l'ueste y o nord-ueste. D'entre ellos, os nuclios que perteneixeban a los achuntamientos de l'Aínsa, Cherbe y Griébal, Castillón de Sobrarbe y Santa María de Buil se troban concabidos en o municipio actual de l'Aínsa-Sobrarbe, mientres que os de Mediano pasón a incorporar-se a la Fueva en os anyos 1970. «Mediano» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de mayo de 2011
Nuclios Gosón perteneixer a o municipio de Cosculluela un numer maximo de 4 lugars, d'entre os cuals uno, Tou, no se guarda conoixencia que haiga estau poblau en os zaguers sieglos.
Con Cosculluela, s'unión os achuntamientos de Moriello de Tou y Plampalacios en o periodo intercensal 1842-1857, tot formando-se o municipio tal como lo conoixió lo sieglo XX. Moriello de Tou lievaba con él a o despoblau medieval de Tou, que se tornó lo cuatreno nuclio d'o municipio.
Plampalacios y Moriello de Tou, con 51 habitants cadagún,Cartel informativo en Cosculluela de Sobrarbe. se despoblón en os anyos 1960 como consecuencia d'a construcción d'o pantano de Mediano, porque os dos lugars quedaban en l'aria d'incidencia directa de l'afogue y a Confederación Hidrografica de l'Ebro éls expropió, de forma que a partir de 1969, cuan o pantano tancó as compuertas definitivament, no i quedó poblau sique Cosculluela.
Manimenos, Cosculluela, que tamién basaba la suya economía en o sector primario no pasó indemne por o trango que suposó a inundación de numerosas fincas agricolas con Mediano, y en os anyos siguients continó con a sangría demografica de camín ta la emigración. O proceso de despoblación d'o nuclio de Cosculluela de Sobrarbe no s'ha comenzau a revertir dica istos zaguers anyos, en os que i han dido arribando paulatinament bels vecinos nuevos, sobre tot d'oríchens foranos, que i han trobau un puesto tranquilo ta reposar-se y ta pasar-ie a chubilación.
Demografía
Evolución d'a población de Cosculluela de Sobrarbe dende 1857.
Imáchens
Os altros municipios absorvidos en l'Aínsa-Sobrarbe O municipio de l'Aínsa-Sobrarbe se formó en 1981 por a fusión d'os achuntamientos de l'Aínsa y d'Alto Sobrarbe. Pero dende denantes cadagún d'ellos ya s'heba absorvido belaltros municipios.
En a siguient lista se describe l'orden d'absorcions y/o fusions municipals dica formar-se l'Aínsa-Sobrarbe, con os subepigrafes que indican achuntamientos que fuén absorvidos por o suyo respective achuntamiento epigrafe. L'Aínsa A Torriciella Castillón de Sobrarbe Cherbe y Griébal Arro Banastón Guaso Santa María de Buil Alto Sobrarbe L'Arcusa Castellaz Olsón Sasa de Surta Bagüeste As Bellostas
Ista información s'extrai de l'aplicación «Intercensal» de municipios en a pachina de l'«Insitituto Nacional de Estadística». Intercensal. Alteraciones de los municipios en los Censos de Población desde 1842.
Referencias
Categoría:Municipios d'Aragón desapareixius Categoría:Val d'a Cinca Categoría:L'Aínsa-Sobrarbe