Sarratiás ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. Actualment se troba despoblau.
Toponimia O toponimo Sarratiás presenta una forma arcaica d'evolución d'o sufixo -iello con diftongo -ia-, y tamién una forma arcaica d'o suyo plural ya desapareixida en aragonés. Chesús Vázquez Obrador: Particularidades morfonológicas en la formación del plural en altoaragonés arcaico, a la luz de la toponimia. Archivo de Filología Aragonesa, nº 51, 1995. p. 211. SERRATĔLLO > Sarratiacho. Sarratiacho + -s > Sarratiach(o)s > Sarratiachs > Sarratiás. En o toponimo fovano Moliniás a terminación latina -ĔLLU precursora de -iello ha teniu a mesma evolución.
Cheografía Sarratiás ye en a valleta que describe o barranco de Bruello, a 675 metros sobre o nivel d'a mar en as garras d'o sarrato de Bruello, en a marguin ezquierda de lo corso d'augua, aman d'o suyo vivero.
Ye en un cantimplano que domina lo cabo d'alto d'a valleta d'o barranco de Bruello, a poqueta distancia d'a collada por a on que la cuenca d'o barranco se mete en comunicación con a valle de l'Ena, tot estando lo zaguer nuclio poblau d'a valleta, por a part d'alto. Se i puede arribar por a pista de Bruello, que en pasando Bruello deixa d'estar asfaltada.
Sarratiás, con Bruello y as altras pardinas que se troba en a valleta d'o barranco, fizo parte d'o municipio de Santa María de Buil, «Santa María de Buil»; consultada o 5 de mayo de 2011. que desapareixió en os anyos 1960 absorvido por l'Aínsa. Dende 1981, o municipio se diz l'Aínsa-Sobrarbe.
Casas O lugar se composa de dos casas, con bels edificios auxiliars d'entre os que se destaca un puzo t'abastir-las d'augua, y bellas bordas. Una d'as dos casas tiene a frontera totalment dominada por balconeras suportaladas, lo que tamién resulta destacable.
Sarratiás fa parte d'una dita popular en a redolada, que se mira ta expresar a baixa densidat de población d'ista parte de Sobrarbe, muit repartida en pardinas y aldeyas de no mas de tres u cuatro casas cadaguna. A dita diz:
Efectivament, se fa alusión a las dos casas que tradicionalment han formau o Sarrato, siete que formaban Sarratiello, y as dos, sabidas, que feban Sarratiás.
Fiestas 23 de setiembre, Fiesta Mayor, «Calendario festivo» en a pachina oficial d'a Comarca de Sobrarbe; consultada o 5 de mayo de 2011. fendo-le honras a Sant Lino. Se celebra de conchunta con os vecins de Bruello y Coroniellas. «Fiestas Populares del Sobrarbe»; consultada o 5 de mayo de 2011. Tradicionalment, toz chuntos feban romería dica la ermita de Sant Lino, en a que se feba las bailes. «Ermita de San Lino (Buil)», consultada o 5 de mayo de 2011.
Referencias
Vinclos externos En http://www.despobladosenhuesca.com/
Categoría:Lugars de l'Aínsa-Sobrarbe Categoría:Localidaz d'Aragón con fiestas patronals ta sant Lino Categoría:Despoblaus d'a provincia de Uesca Categoría:Localidaz d'a diocesi de Uesca en Sobrarbe