Agreda (Ágreda en castellano y oficialment) ye un municipio castellanoleyonés d'a provincia de Soria, en a comarca de Tierra d'Agreda.
A suya población ye de 3.084 habitants (2014) en una superficie de 165,01 km² y una densidat de 18,7 hab/km².
Cheografía A localidat d'Agreda ye situata a 950 metros d'altaria sobre o livel d'a mar, a una distancia de 50 km d'a ciudat de Soria, a capital d'a suya provincia.
D'o suyo termin municipal fan parte os lugars d'Aldehuela de Ágreda, Fuentes de Ágreda, Río Manzano y Valverde.
Mugas O suyo termin muga con Cueva de Ágreda, con Ólvega, con Aguilar del Río Alhama, con Cervera del Río Alhama, con Tarazona y con Vozmediano.
Administración Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 Celestino Laseca Herrero Partido Socialista Obrero Español1991–1995 María Jesús Ruiz Ruiz Partido Popular1995–1999 María Jesús Ruiz Ruiz Partido Popular1999–2003 María Jesús Ruiz Ruiz Partido Popular2003–2007 María José Omeñaca García Partido Popular2007–2011 Jesús Manuel Alonso Jiménez Partido Socialista Obrero Español2011– Jesús Manuel Alonso Jiménez Partido Socialista Obrero Español
Molimentos Muralla d'a ciudat, d'orichen andalusí. Ilesia de Sant Miguel, una ilesia d'o sieglo XV en estilo gotico, con una torre en estilo romanico d'o sieglo XII. A ilesia, adedicata a Sant Miguel Arcánchel, tien un retavlo d'o sieglo XVI. Ilesia d'a Virchen d'a Penya, un edificio d'o sieglo XII en estilo romanico, que hue ye la seu d'o Museu Comarcal d'Arte Sacro. Basilica de Nuestra Sinyora d'os Miraglos, un edificio d'o sieglo XVI en estilo gotico-renaixentista. Convento d'a Concepción, d'o sieglo XVIII. Palacio d'os Castejones, d'o sieglo XVII. Sinagoga ("Sinoga"), una chicota ilesia d'o sieglo XII en estilo romanico construita dencima de l'antiga sinoga d'Agreda.
Esporte O fútbol ye representato por a Sociedad Deportiva Ágreda que partecipa en divisions rechionals aragonesas.
Curiosidaz Os agredanos tienen prefixo telefonico d'a provincia de Zaragoza.
Personalidaz naixidas d'Agreda Fermín Cacho, atleta espanyol campión olimpico de 1500m lisos en Barcelona 1992.
Vinclos externos Pachina web oficial municipal.
*