Iste articlo tracta sobre Pelegrín. Ta altros usos d'a palabra «pelegrín» se veiga Pelegrín (desambigación).
Pelegrín ye una pardina aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. Actualment se troba despoblada. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006.
Cheografía
Pelegrín ye una casa sola que se troba en a valleta d'o barranco de Bruello, a metat de camín d'entre o Sarrato y a Capana, en a baixant sud de la valle. A casa, atamas de no estar habitada, encara se mantién guardada, pos como con belaltras en a redolada ha gosau pasar, os amos han marchau a vevir ta localidaz de la comarca.
En as inmediacions d'a casa, bellas bordas y una premsa ta vino i son observables. Por debaixo d'a casa, de camín ta la baixada d'o barranco de Bruello, i ha bels campichons que ocasionalment encara s'ha labrau en os zaguers anyos.
Pelegrín, con a Capana, o Sarrato, Bruello y as altras pardinas que se troba en a vallonada d'o barranco, fizo parte d'o municipio de Santa María de Buil, «Santa María de Buil»; consultada o 5 de mayo de 2011. que desapareixió en os anyos 1960 absorvido por l'Aínsa. Dende 1981, o municipio se diz l'Aínsa-Sobrarbe.
Referencias
Vinclos externos En http://www.despobladosenhuesca.com/
Categoría:Lugars de l'Aínsa-Sobrarbe Categoría:Despoblaus d'a provincia de Uesca Categoría:Localidaz d'a diocesi de Uesca en Sobrarbe