O castiello de Monzón ye un castiello aragonés, situato en a localidat altoaragonesa de Monzón en o cabalto d'un tozal d'uns 370 m d'altaria a on bi heba habito un lugarón iberico, Mansha, y un posterior romano, Tolous.
Ye d'orichen arabe (d'o sieglo X) y pasó a mans cristianas en 1089 cuan fue conquerito por o rei Sancho Remíriz. O suyo fillo, Pero I, i constituyó un chicot reino independient rodiato de dominios arabes, que tenió dica moneda propia, o reino de Monzón.
En 1143 pasó a mans d'a orden d'o Temple, cuan se reformó de tot con a enclusión de murallas, torres, caballerizas, o refitorio y os dormitorios. Chaime I o Conqueridor residió en iste castiello cuan yera menor d'edat, ya que yera baixo a tutela d'os caballers templers.
En 1309, cuan se produció a disolución d'a orden d'o Temple, estió una d'as fortalezas que metioron mas resistencia a ista orden y habió d'estar asetiato por o rei Chaime II dica que capituló. Alavez pasó, como a resta de posesions templeras a la orden de Sant Chuan de Cherusalem, convertindo-se en una comanda d'a castellanía d'Amposta. Un d'os comandadors mas destacatos que tenió mientres o sieglo XV estió o poeta y militar catalán frai Bernat Hug de Rocabertí, que i accedió en 1449.
Mientres a guerra d'os Segadors fue preso en 1642 por as tropas franco-catalanas dirichitas por Philippe de La Motte Houdancourt y a l'anyo sigüient por as tropas castellanas de Felipe da Silva.
A fortaleza mantenió una guarnición dica meyayos d'o sieglo XIX, lo que prevocó a evolución d'a mesma dica l'aspecto actual, un fortaleza propia d'a Edat Moderna. Actualment yer parcialment restaurato y ye declarato como Molimento Historico-artistico.
Cheodesia Bi ha un vértiz cheodesico a una altaria de 369 metros dende o livel d'a mar Fuella d'o vértiz cheodesico en o cerro que bi ha a o sud d'o castiello.
Referencias
Vinclos externos
Visita virtual a o Castiello de Monzón Historia y fotografías d'o Castiello Templero de Monzón
Categoría:Molimentos de Monzón Monzón Monzón Monzón Categoría:Biens d'Intrés Cultural d'a Cinca Meya Categoría:Edificios que han albergau sesions d'as Corz d'o Reino d'Aragón Monzón