O sufixo atono -ido ye sufixo propio de cultismos que en latín presentan o sufixo -idus y se fa servir pa creyar adchectivos indicadors d'una cualidat perceptible.
En latín este sufixo ye atono y as palabras que se i creyan a sobén yeran esdrúixolas. Cuan han pasau a las luengas romances por vía patrimonial han sufriu dos posibles evolucions con o resultau de fer-se palabras planas.
En bel caso ha desapareixu a -D- intervocalica y s'ha formau un diftongo: BIFIDUM > embefio. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p. 67. *FASTIDUM > fastio. LIMPIDUM > limpio. NITIDUM > nedio ("prau de pastura virchen"). RANCIDUM > rancio.
En atros s'ha produciu una elipsi d'a vocal atona convertindo-se en palabras planas y a vegadas con diftongo: LARĬDUM Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. p 303. > lardo. LURIDUM > lerdo (en castellano), llord (en catalán). SOLIDUM > sueldo.
En a toponimia podemos trobar palabras derivadas de palabras latinas con este sufixo: Lembedas (en Asín de Broto), María Pilar Fuertes Casaus, María Isabel Allué Navarro: Nombres para un paisaje. Toponimia del Valle de Broto Editau por las propias autoras, 2006. p 25 Lempeda (en Sierra Ferrera entre Senz, Viu y Sant Per), Las Llémpedas (en a costera este d'a sierra de Chía), cerca de Villanova. En a Val d'Ebro y Sistema Iberico tamién con terminación -ia atona como en Fuent Pudia < FONTE PUTIDA, y en Asín de Broto Fuendeputia.
Os cultismos acabaus en -ido en aragonés se pronuncian como palabras planas por l'adversión a lo esdrúixol tipica de l'aragonés dende fa uns sieglos: solido, liquido, humido, palido, translucido. Como cultismos vulgarizaus beluns se pueden pronunciar como acabaus en -edo, y ya lo veyemos en textos medievals como "Secreta Secretorum", a on que leyemos azedo.
Se veiga tamién Sufixo -ido (tonico).
Referencias
Bibliografía David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002.
Categoría:Sufixos cultos en aragonés