O cesio (d'o latín < CAESIUS "azul verdenco"), de simbolo Cs, ye un elemento quimico de numero atomico 55 y masa atomica 132.90545 uma. O suyo isotopo mas relevant ye o de masa atomica 133, que ye emplegato ta definir o segundo.
Caracteristicas O cesio ye un metal tovo, lichero y de baixo punto de fusión. Ye o mas reactivo y menos electronegativo de toz os elementos. O cesio reacciona de forma vigorosa con l'oxicheno ta formar una mezcla d'oxidos. En aire humedo, a calor d'oxidación puet estar suficient ta fundir o metal. O cesio no reacciona con nitrocheno ta formar nitruros, pero reacciona con o hidrocheno a temperaturas altas ta producir un hidruro muit estable; reacciona de manera violenta con l'augua y tamién con o chelo a temperaturas de dica -116 °C (-177 °F) asinas como con os halochenos, amoniaco y monoxido de carbonio. Por un regular, con compuestos organicos o cesio experimenta os mesmos tipo de reaccions que a resta d'os metals alcalins, pero ye muito mas reactivo.
Referencias
Categoría:Elementos quimicos Categoría:Metals alcalins