O estroncio ye un elemento quimico d'a tabla periodica de simbolo Sr y numero atomico 38.
Caracteristicas prencipals O estroncio ye un metal blando de color archent brillant, prou maleable, que s'oxida a escape en presencia d'aire adquirindo un tono amarillenco por a formación d'oxido por o que ha de conservar-se sumerchito en queroseno. A causa d'a suya alta reactividat o metal se troba en a naturaleza combinato con atros elementos y compuestos. Reacciona a escape con l'augua liberando hidrocheno ta formar hidroxido.
O metal se crema en presencia d'aire —espontaniament si se troba en polvo finament dividito— con flama roya-rosata formant oxido d'estroncio y nitruro d'estroncio; debito a que con o nitrocheno no reacciona por debaixo de 380 °C forma nomás l'oxido cuan se crema a temperatura ambient. As sals volatils d'estroncio pintan d'un polito color carmesí as flamas por o que se fan servir en pirotecnia.
Presenta tres estaus alotropicos con puntos de transición a 235 °C y 540 °C.
Referencias
Vinclos externos Enciclopedia Libre ATSDR - Perfil toxicolochico WebElements.com - Estroncio EnvironmentalChemistry.com - Estroncio
Categoría:Elementos quimicos Categoría:Metals alcalinoterrios