O pronombre adverbial en/ne existent en aragonés vien d'o latín INDE. A forma arcaica ende, nde, etc... ye rechistrada en Ansó como muito minoritaria y tamién en lugars d'o Baixo Aragón historico como Arinyo u Alloza.

Se fa servir pa referir-se a un substantivo en estos casos:

Cuan no ye con articlo definiu:

Cuan ye con un numeral cuantitativo u indefiniu:

Cuan tenemos un adchectivo pronominalizau y fa referencia a este tipo de substantivo:

Cuan un substantivo sin articlo ye con a preposición de:

Reproducir un complemento preposicional introduciu con a preposición de:

Suplemento de verbos pronominals Bi ha verbos pronominals que son seguius d'un sintagma nominal que encomienza por a preposición de y que representa un suplemento u complemento de rechimen verbal: Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998, pp 306-317 acordar-se. alegrar-se. burlar-se. deixar-se. despedir-se. fartar-se. fiar-se. guardar-se. pasar-se. reyir-se (con as suyas variants foneticas).

O pronombre adverbial en/ne ye capaz de substituir a ixe sintagma nominal dando formas como:

Manimenos en l'uso de toz estos verbos bi ha diferents variacions dependendo d'o verbo y d'a parla. A on no ha puesto plegar prou presión castellanizadera pa eliminar l'uso d'este pronombre adverbial con esta función, se i puet veyer en uns cuantos d'estos verbos que bi ha usos agramaticals expletivos (superfluos) d'o pronombre adverbial sin substituir a lo sintagma nominal, fendo asinas d'adchacent d'un caso-rechimen. Esto podemos sentir-lo en parlas como o ribagorzano:

O verbo reyir-se como reflexivo ye o que se fa servir mes con pronombre en chenerando usos expletivos, convertindo-se en un verbo reyir-se-ne en Ribagorza Baixa.

En a Val de Benás (Alta Ribagorza occidental) o verbo reyir con as suyas variants redi(r) y riure tamién presenta usos expletivos cuan ye pronominal, y dica presenta atros usos mes complexos.

Manimenos en aragonés no s'ha plegau a lo extremo de cheneral verbos con o pronombre lexicalizau debant d'o lexema como en catalán popular tipo enrecordar-se, enriure's y enportar-se, que dan duplicacions d'o pronombre adverbial tipo enriure-se'n, se n'enrecora, me n'enporto, etcetera.

En o caso d'o verbo deixar a construcción formada por o pronombre reflexivo, o pronombre adverbial y o verbo ha puesto fosilizar como deixar-se-ne prenendo un matiz semantico especial como d'aturar-se u cesar un acto, proceso una realidat:

Locativo Puet substituyir a un complemento nominal que encomienza por de y tien como nuclio un substantivo (por eixemplo un toponimo), indicador de puesto de procedencia u d'a on sale o movimiento:

Verbos reflexivos de movimiento En relación a o zaguero, s'emplega con os verbos reflexivos de movimiento (ir-se-ne, venir-se-ne, salir-se-ne,, baixar-se-ne y puyar-se-ne), porque indican punto de partida, d'acá, d'astí, d'allí, etc:

Pronominalización d'o subchecto En aragonés se puet pronominalizar o subchecto en bellas condicions por meyo d'o clitico "en". En istos casos o verbo no concuerda con o subchecto y s'impersonaliza:

Ye un rasgo tipico en aragonés que se puet trobar ya en documentos escritos en aragonés medieval, como por eixemplo a documentación d'a Casa de Ganaders de Zaragoza:

Si o subchecto ye pronominalizau con en/ne o verbo auxiliar d'as formas composadas ye haber Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, p 102.: En ha estato un ciento. En ha venito vente.

Referencias

Bibliografía Segura, J.J.. Hacia una clasificación sintactica de los verbos en aragonés. Estudios y Rechiras Arredol d'a Luenga Aragonesa y a suya Literatura. Autas d'a I Trobada. Instituto d'Estudios Altoaragoneses. Publicacions d'o Consello d'a Fabla Aragonesa. Uesca, 1999, BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0. Chabier Tomás Arias: El aragonés del Biello Sobrarbe. Instituto de Estudios Altoaragoneses (1999). José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. Mascaray Sin, Bienvenido: Vocabulario del habla de Campo (Ribagorza, Huesca)''. Xordica Editorial, 2014.

En/ne