Manuel Buenacasa Tomeo, naixito de Casp (Baixo Aragón-Casp) o 7 de chulio de 1886 y muerto en Lo Borg de Valença (Droma, Occitania) o 6 de noviembre de 1964, estió un sindicalista, periodista y politico aragonés, militant d'a Confederación Nacional del Trabajo (CNT), sindicato en o cual ocupó cargos destacatos.
Mientres a suya choventut, estió en primeras estudiant en un seminario en a provincia de Sevilla, ta dimpués treballar en o sector d'a carpintería en a ciudat de Zaragoza, estando alavez cuan dentró en a CNT. En ixas envueltas tamién fació prous viaches por Europa, en conoixendo a personalidaz como Errico Malatesta, Lenin, Grigori Zinoviev u Mohandas Karamchand Gandhi. Tornó a la peninsula iberica, estando engarcholato succesivament en cuantas garcholas d'Espanya y esleito en 1918 en estar liberato secretario d'o Comité Nacional d'a CNT.
Dimpués, destacó en a organización d'a CNT en Aragón, estando impulsor d'a bada cheneral de 1920 en Zaragoza, mesmo que director de Cultura y Acción, organo de l'anarcosindicalismo aragonés. En zaguerías d'a dictadura de Primo de Rivera s'exilió en a ciudat de Tolosa, no tornando a Espanya dica 1930. Mientres a guerra civil estió en Barcelona, exiliando-se en rematar a guerra con a victoria franquista. En o exilio en Francia treballó por a reconciliación entre os diferents sectors d'a CNT dica a suya muerte.
Obras 1928: El Movimiento Obrero Español (1886-1926). Historia y Crítica.
Vinclos externos Manuel Buenacasa en a Gran Enciclopedia Aragonesa.
Categoría:Anarquistas d'Aragón Categoría:Exiliaus aragoneses en Francia Categoría:Exiliaus d'o franquismo Categoría:Muertos en Droma Categoría:Naixius de Casp Categoría:Periodistas d'Aragón Categoría:Politicos d'Aragón Categoría:Sindicalistas d'a Confederación Nacional del Trabajo Categoría:Sindicalistas d'Aragón Categoría:1886 (naixencias) Categoría:1964 (muertes)