María Victoria Broto Cosculluela (Casa Salinas, Guaso, Sobrarbe, 10 de chinero de 1956 PALLARUELO CAMPO, Severino; Entrevistas (cap. V en Comarca de Sobrarbe (Num. 23 en a Colección Territorio)). Gobierno de Aragón; Zaragoza, 2007. . O capítol puede leyer-se en linia aquí.) ye una mayestra y politica aragonesa, militant d'o PSOE. Noticia «Mª Victoria Broto asume la consejería de Educación y Pilar Ventura la de Ciencia y Tecnología en el gobierno aragonés», de 15 d'abril de 2008; consultada o 17 de chulio de 2011. Noticia «El departamento de Ciencia, Tecnología y Universidad será dirigido por María Victoria Broto» d'11 de chulio de 2007; consultada o 17 de chulio de 2011.
En habendo estau previament a Directora Cheneral d'Administracions Educativas d'a DChA, estió a'l frent de diferents Departamentos de l'Executivo aragonés mientres a VII lechislatura, a zaguera en a que a presidencia estió en mans d'os socialistas, con Marcelino Iglesias. Asinas, la nombrón Consellera de Ciencia, Tecnolochía y Universidat d'o Gubierno d'Aragón en a formación d'executivo posterior a las eleccions de 2007, y dica lo cambio de gubierno de dimpués d'as eleccions de mayo de 2011 fue a Consellera d'Educación, Cultura y Esporte.
En o suyo periodo como Consellera d'Educación, Cultura y Esporte s'aprebó, d'entre bellas atras, a Lei de Luengas d'Aragón (aviento de 2009), que preveyeba o reconoiximiento como luengas propias d'Aragón a l'aragonés y a o catalán, «LEY 10/2009, de 22 de diciembre, de uso, protección y promoción de las lenguas propias de Aragón.», a Lei de Luengas d'Aragón, en o BOA nº 252; consultau o 17 de chulio de 2011 y a suya normalización.
Biografía María Victoria Broto naixió de casa Salinas, en o barrio d'o Tozal que pertenece a o lugar de Guaso. Guaso actualment fa parte d'o municipio de l'Aínsa-Sobrarbe, y se troba alto en un tozal que fa de divisoria d'entre a valle de l'Ena y a valle de l'Ara (que ye como dicir a divisoria d'entre o Viello Sobrarbe y a valle de Boltanya), a 4 kilometros en sud-ueste d'a villa de l'Aínsa. O barrio d'o Grau, a on ye la casa natal de María Victoria Broto, se troba en a baixant oriental d'o tozal, deseparau bels cientos de metros d'a resta de barrios diseminaus que forman Guaso.
Cursó os estudios primarios en a escuela de Guaso y fizo as primeras anyadas de Bachillerato Elemental en a escuela de l'Aínsa, anque en tresladar-se ta la ciudat de Uesca habió de continar os estudios astí. Ye licenciada en machisterio por a Universidat de Zaragoza, y en psicolochía por a Universidat de Barcelona.
Carrera profesional A suya carrera profesional, d'antes d'incorporar-se a la politica, heba estau centrada en l'amostranza. Fizo de mayestra 23 anyos.
Gosó estar a directora d'o colechio Puente Sardas en Samianigo d'entre 1987 y 1989 y cabeza d'estudios d'o mesmo centro d'entre 1999 y 2003, por o que fixó a suya residencia en a capital de l'Alto Galligo buena cosa d'anyos.
Carrera politica A carrera politica de Mariví Broto dende los oríchens ha diu muit asociada con a suya profesión y puesto de residencia: Dende l'anyo 2000 perteneixió a'l Consello d'o Centro de Profesors y Recursos locals de Samianigo, y dica l'anyo 2003 estió tamién miembro d'o Consello Escolar d'Aragón, parcialment solapando-se con o suyo paper como secretaria d'Educación, Cultura, Universidat y Investigación que fizo dende o 2000, tot fendo parte d'o Departamento que a par d'alavez presidiba Ángela Abós.
Ye afiliada a o Partido Socialista Obrero Español dende l'anyo 1982, militancia en virtut d'a cual exerció diferents concellalías d'a comarca de l'Alto Galligo, a on que arribó a ostentar a presidencia comarcal, en paralelo a la suya actividat profesional y a la suya posterior embrecación en l'administración autonomica.
En 2007 fue nombrada Consellera d'o Gubierno d'Aragón a primer vegada, en ocupando o cargo de Consellera de Ciencia, Tecnolochía y Universidaz, que aglutinaba a Viceconsellería de Ciencia y Tecnolochía con a Secretaría Cheneral Tecnica, tres direccions chenerals; a Dirección Cheneral d'Amostranza Superior, a Dirección Cheneral d'Investigación, Innovación y Desarrollo, a Dirección Cheneral de Tecnolochías ta las Sociedat d'a Información y as direccions d'as organizacions Aragonesa de Servicios Telematicos (AST), l'Instituto Tecnolochico d'Aragón (ITA), o Centro d'Investigación y Tecnolochía Agroalimentaria d'Aragón (CITA) y l'Achencia de Calidat y Prospectiva Universitaria d'Aragón (ACPUA).
En chulio de 2008, o president autonomico Marcelino Iglesias la designó Consellera d'Educación, Cultura y Esporte, que dica alavez heba estau o puesto d'a ex-consellera Eva Almunia, nombrada Secretario d'Estato d'Educación y Formación por o president espanyol José Luis Rodríguez Zapatero. A succedió en a Consellería de Ciencia, Tecnolochía y Universidaz Pilar Ventura Contreras.
Ocupó a Consellería d'Educación, Cultura y Esporte dica la surtida d'o gubierno autonomico d'o Partido de los Socialistas de Aragón en chulio de 2011, con a investidura d'a nueva presidenta electa Luisa Fernanda Rudi, d'o Partido Popular, qui heba ganau as eleccions autonomicas d'o 22 de mayo de 2011.
Vinclos externos María Victoria Broto Cosculluela en a pachina web d'as Corz d'Aragón.
Referencias
Categoría:Naixius de Guaso Categoría:Consellers d'Afers Socials d'a Deputación Cheneral d'Aragón Categoría:Consellers de Ciencia d'a Deputación Cheneral d'Aragón Categoría:Consellers de Cultura d'a Deputación Cheneral d'Aragón Categoría:Consellers d'Educación d'a Deputación Cheneral d'Aragón Categoría:Deputaus d'a VIII Lechislatura d'as Corz d'Aragón Categoría:Deputaus en as Corz d'Aragón por a circumscripción electoral de Uesca Categoría:Mayestros d'Aragón Categoría:Psicologos d'Aragón Categoría:Politicos d'Aragón Categoría:Politicos d'o Partido de los Socialistas de Aragón Categoría:Primer Gubierno Lambán Categoría:Segundo Gubierno Lambán Categoría:Tercer Gubierno Iglesias Categoría:1956 (naixencias)