Ciria ye un municipio de Castiella y Leyón situau en a provincia de Soria. Perteneixe a la comarca d'o Campo de Gomara.
A suya población ye de 90 habitants (2017), en una superficie de 52,64 km², con una densidat de población de 1,95 hab/km².
Cheografía Ciria ye en la marguin d'o río Manubles, que baixa de la versant oriental d'a sierra de Tablado y recibe un poco auguas enta baixo de la localidat a lo suyo afluent o barranco d'el Celorio, cuan baixa dende la versant meridional d'a sierra de Toranzo. Aguas enta l'alto de Ciria lo río Manubles tiene un important cambio de dirección indicativo de procesos de captura fluvial por una erosión remontant mes gran en os tributarios d'o río Xalón como lo Manubles que en los tributarios d'o Duero como lo río Araviana. Si en os primers kilometros Araviana y Manubles son paralelos, o río Manubles encomienza a fer entre Borobia Ciria un chiro de 90 graus dica posar-se paralelo a los atros afluents d'o Xalón.
Una part d'o sud-ueste d'o termin municipal de Ciria ye en la sierra de la Bigornia. Lo puerto de Bigornia a 1.100 metros d'altaria se situa entre esta sierra a lo sud-ueste y atras elevacions a lo nord-este, permitindo la comunicación con as localidaz aragonesas de Torre la Palla y Verdello, tamién en la val d'o río Manubles.
Mugas O suyo termin municipal muga con Reznos, Torrubia de Soria, Noviercas y Borobia en a provincia de Soria y con Pomer, Malanquiella y Torre la Palla en a provincia de Zaragoza.
Parla O lexico popular d'intrés etnografico de Ciria se conoix relativament bien por fegurar esta localidat en l'ALEANR, con a sigla So 402. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3-Mapa num. 3, lamina 6-Mapa num. 6.
Referencias
Vinclos externos
Categoría:Municipios de Soria que mugan con Aragón