Iste articlo ye sobre una ciudat anglesa en os Midlands de l'Ueste; ta atros usos, se veiga Birmingham (desambigación).Birmingham''' ye a segunda ciudat d'Anglaterra y d'o Reino Uniu, que ye una ciudat prencipalment industrial. Situata en a rechión anglesa de Midlands de l'Ueste, a suya población ye de 1.016.800 habitants (2008) en una superficie de 267,77 km², con una densidat de población de 3.739 hab/km².
Toponimia O toponimo anglés Birmingham ye d'orichen anglosaxón y presenta a terminación ham que significa "lugar". Brigit Viney: The History of the English Language. Oxford University Press, 2008. p 10.. A suya forma en anglés antigo yera Beormingahām'', o lugar de Beormingas, lo que indica que fue fundada en o sieglo VI u a primers d'o sieglo VII como asentamiento d'un grupo tribal anglo.
Molimentos Museu y Galería d'Arte de Birmingham.
Esporte O fútbol ye lo esporte mas popular en Birmingham y ha estau present dende a enchegada d'as primeras competicions futbolisticas en Anglaterra y lo Reino Uniu, a traviés d'a figura de William McGregor, considerau como lo fundador d'a Football League, la primera liga de fútbol organizada en o mundo.
Clubs esportivos Los clubs esportivos mas importants d'a ciudat son dos equipos de futbol historicos d'a ciudat, lo Aston Villa y lo Birmingham City F.C., rivals historicos que tienen una gran rivalidat entre éls y protagonizan lo Second City Derby en os partius chugaus entre toz dos.
Instalacions esportivas Como lo fútbol ye lo prencipal esporte en aficionaus y practicantes, las suyas instalacions mas destacadas tamién son relacionadas con o fútbol, cuantos estadios son los que cal destacar: lo Villa Park, con capacidat pa mas de 42.000 espectadors, lo St Andrew's Stadium y l'Alexander Stadium pa 30.000 espectadors los dos, y este zaguer con una pista d'atletismo arredol ye siede d'a UK Athletics, la federación d'atletismo d'o Reino Uniu.
Pa atros esportes que se practican en poliesportivos u espacios cubiertos destaca lo Utilita Arena Birmingham, con una capacidat pa mas de 15.000 espectadors que ha aculliu multitut de campeonatos esportivos nacionals y internacionals amás de conciertos y atros escayecimientos multitudinarios.
Competicions esportivas Birmingham estió seu d'os Chuegos d'a Mancomunidat de 2022, estando lo estadio El Alexander Stadium, que acullió las ceremonias prencipals d'obridura y clausura y l'atletismo, estió renovado y s'aumentó la capacidat dica 30.000 espectadors.
Tamién ha estau seu de competicions importants de fútbol, lo Villa Park estió subseu d'o Mundial de Fútbol de 1966 chugando-se partius d'o grupo 2, amás de subseu d'a Eurocopa de 1966, chugando-se partius d'o grupo A y un de cuartos de final.
Referencias
Vinclos externos
Sitio web municipal.
Categoría:Birmingham