O falcón sagrauCon a variant falcón sagrato u falcón rodiano () ye una especie de falcón de mida gran propia d'Europa Oriental, Asia y Africa. Ye considerau l'animal nacional d'Hongría.
Zoonimia En os textos medievals aragoneses a on se fan descripcions cheograficas de zonas d'Europa Oriental y Asia los nombran como sacres. Sacre provién de l'arabe çaqr ("esparvero"), sin relación con a palabra sagrau.
En aragonés tenemos a locución adverbial de cuantidat ni un sacre, que Xavier Tomás Arias en o suyo libro sobre l'aragonés d'o Viello Sobrarbe considera que deriva d'o latín sacrum por decir-se no he entender ni un sacre y poder-se remontar a cuan se feba misa en latín. Manimenos Joaquim Martí Mestre se troba en valenciano a palabra sacre Joaquim Martí Mestre: Diccionari històric del Valencià col·loquial (segles XVII, XVIII i XIX) . Universitat de Valencia, 2006. con o significau de persona astura y de poca confianza y a locución adverbial ni un sacre en no portar ni un sacre u no tenir ni un sacre pa dicir no levar u no tener pon de diners, igual como en asturiano nun tener un sacre.Uns cuantos autors. Estudios y trabayos del Seminariu de Llingua Asturiana, Volumen 2. . Universidat d'Oviedo, 1979. Tamién s'ha visto que sacre existiba en a cherga de chermanía castellana con o significau de tramposo. Seguntes Joan Coromines i Vigneaux toz estos significaus metaforicos provienen d'a denominación d'o falcón sagrau, que se lo miraban con poca estima. Joan Coromines i Vigneaux: Diccionari etimologic i complementari de la llengua catalana. En aragonés ni un sacre se siente sobre tot en a zona centro-oriental, pero estió cheneral en l'aragonés porque tamién se documenta en ansotano y entre os residuos d'aragonés d'Alcubierre, y habría feito part de l'aragonés monegrino, que yera pareixiu a l'aragonés d'o Semontano de Balbastro.
En a mitolochia d'o pueblo hongaro ye conoixiu como Turul. 200px|thumb|left|Molimento a lo Turul en Tatabánya (Hongría). thumb|Falco cherrug
Vinclos externos
Notas
Referencias
Cherrug