As conchuncions condicionals en aragonés se fan servir en as oracions homonimas. Son conchuncions condicionals: si, como y cuan, que no son exclusivament conchuncions condicionals.
A conchunción si se puet pronunciar se, como esdevién en belsetán. Lozano, Ch., Saludas, Á.L.: (2005). Aspectos morfosintácticos del belsetán. Zaragoza: Gara d'Edizions - IFC, pp 150-151. Eixemplos d'uso: Si yo fuese mas choven, chugarba (tensino). Francho Nagore: Gramática de la Lengua Aragonesa. Zaragoza. Mira Editores. 1989. Se vivo i fues aguantarinos la metat que agora (belsetán). Si s'hes presentau Franco l'habría votau a él (aragonés d'a valle de Tella). Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010, pp 184-185.
Ye muito frecuent a forma si no por: Si no por lo que reluciba la nieu, cuasi no se bizlumbraba (cheso). Se no perque son de goma, es hesen feto a miquetas (belsetán).
A conchunción como: Como veigan lo fumo vendrán t'aquí (aragonés d'a valle de Tella).
A conchunción cuan: Cuan ixe lo diz, ye que será verdat (cheso).
A vegadas en uns pocos contextos se puet omitir a conchunción condicional si. Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998, p 421. Ises por la noche, el trobarías lleno de mixons (baixo-ribagorzano). Si hese lloviu, hesen cohiu mucho mas grano. (baixo-ribagorzano).
Tamién bi ha locucions conchuntivas como con tal que u con tal: Con tal que vienga t'aquí. Una muller con las garras tuertas con tal me sepa apatrusquiar es calzons y es peazos. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, p 98.
Referencias
Bibliografía Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0. Francho Nagore: Gramática de la Lengua Aragonesa. Zaragoza. Mira Editores. 1989.
Condicionals Aragones