Hato de Foces ye un grupo de musica folk aragonesa de Uesca.
Historia Encara que estió en 1977 cuan bels amigos amants d'a musica tradicional empecipioron a arroclar-sen ta cantar y interpretar cancions de grupos como Nuestro Pequeño Mundo, Nuevo Mester de Juglaría, Oskorri, Jarcha, La Bullonera, etc... grupos que estioron referents ta "Hato de Foces", no ye que dica 1981, dimpués d'un exitoso concierto, que o suyo treballo esdeviene cutiano. Ye allora cuan o grupo se dedica a rechirar y espardir a musica tradicional aragonesa, tanto vocal como instrumental, buscando en os cancioneros u recullindo cancions por tradición oral. Ye asinas como fan rebilcar viellas cancions populars en o rafe d'a desaparición, remontando, decamín, instrumentos como a gaita de boto aragonesa. D'atro costau, han gosato permanixer en a vanguardia d'a musica tradicional, y no solo que en Aragón, esviellando cutianament tota ixa musica por éls recullita.
Hato de Foces prene o nombre d'un puesto d'o Semontano an que os pastors, en fer-se de nueit, se'n i reculliban con as suyas uellas.
O disco Hato de Foces (1999) ye dedicato a Rafael Andolz.
O grupo deixa os escenarios o 8 d'agosto de 2011 dimpués de mas de 35 anyos de treballo y d'haber feito 550 conciertos.
Premios Premio Nacional de Actualización de Música Folk, Guadalajara (1987) Grupo Folk mas votato por os oyents de Radio Nacional de España (1989) Medalla d'Antena 3 (1985) Folklorista Altoaragonés (1983, 1984 y 1986) Grupo mas votato por os oyents d'o programa Trébede de RNE - Radio 3 Premio Parrilla de Oro, Uesca 2009
Components
Marise Aguilar (voz) Alfredo Callén García (baixo y voz) Salvador Cored (gaitas de boto, flauta travesera, mandolina , bandurria, laút y guitarra) Jorge Marsó (batería y percusión) Carlos Montull (guitarra , laút ) José Luis Ochoa Hortelano (voz, laúd, guitarrico y flautas de pico, entre atros instrumentos). Olga Orús (voz) Josu Ubierna (acordión)
Discografía
Amadruga (1983) En plena calle (1985) Tradición y fiesta (1986) Cuarto creciente (1989) Cantar de camino (1992) Hato de Foces (1999) Errekeerre (2002) Estrella de Paz (2002) Chino Chano (2006)
Vinclos externos Pachina web d'o grupo Pachina sobre Hato de Foces en a Gran Enciclopedia Aragonesa Ficha sobre Hato de Foces en Aragón Musical Noticia d'a suya despedida en El Periódico de Aragón Noticia d'a suya despedida en Heraldo de Aragón Noticia d'a suya despedida en Aragón Musical Hato de Foces en youtube (I) Hato de Foces en youtube (II) Canción Que escura y fosca en goear A canción Maciellos en goear
Categoría:Grupos de musica folk d'Aragón Categoría:Grupos de musica d'Aragón