"Eviva España" ye una canción d'orichen belga (de Flandres) composata en 1971 con musica y parolas en luenga flamenca de Leo Caerts y Leo Rozenstraten, respectivament, y cantata por Samantha (nombre artistico de Christiane Bervoets).
Con l'exito d'a canción en Belchica, s'estendilloron muitas versions en as suyas respectivas luengas por o norte d'Europa, estando-ne cantata en os Países Baixos por Imca Marina, en Alemanya por Imca Marina y Hanna Aroni, en Noruega por Gro Anita Schønn, en Francia por Georgette Plana, en Dinamarca por Elisabeth Edberg, en Finlandia por Marion Rung u en Suecia por Sylvia Vrethammar (cantata en anglés).
En Espanya ye muito conoixita, interpretata y cantata a versión en espanyol de Manolo Escobar, de 1973, con o títol de Y viva España (Y entalto Espanya, en aragonés). A traducción a l'espanyol a fació o diplomatico Manuel de Gómez ta a cantaire Samantha, versión que tamién cantó Imca Marina, encara que ye mas conoixita a versión de Manolo Escobar. Ista versión ye a-saber-lo cantata en os partius u competicions d'as diversas seleccions esportivas espanyolas.
En Latinoamerica se'n conoixe muito a versión d'os Billo's Caracas Boys.
Atras versions posteriors son estatas as de Perla, cantaire uruguayo-brasilera naixita de Paraguai en portugués con o títol "E viva o amor" (Y entalto l'aimor), Heino u Gaby Baginsky (en versión "dance"), as dos en alemán, u Sweethearts en danés.
Una trucadiza y humoristica versión en ye a de Judge Dread en anglés tetulata Y viva Suspenders (Y entalto os estirants).
O club de fútbol de Pescara, ciudat italiana situata en a rechión d'os Abruzos (Abruzzo), ha adoptato ista melodía como himno oficial, con o títol de "Evviva Pescara" u "Sugli spalti" (En as gradas). As parolas d'iste himno son de Luciano Brancone.
Vinclos externos Samantha y a suya canción en The Belgian Pop & Rock Archives Información sobre a canción orichinal en neerlandés Vidio d'a canción orichinal en neerlandés de Samantha Vidio d'a versión en neerlandés de Imca Marina Vidio d'a versión en alemán de Imca Marina Vidio d'a versión en espanyol cantata por Imca Marina Vidio d'a versión en alemán de Hanna Aroni Audio d'a versión en noruego de Gro Anita Schønn Vidio d'a versión espanyola de Manolo Escobar Vidio d'a versión en francés de Georgette Plana Vidio d'a versión en danés de Elisabeth Edberg Vidio d'a versión en finés de Marion Rung Vidio d'a versión en anglés de Sylvia Vrethammar Vidio d'a versión en sueco de Sylvia Vrethammar Vidio d'a versión en espanyol d'os Billo's Caracas Boys Vidio d'a versión en alemán de Gaby Baginsky Vidio d'a versión en alemán de Heino Vidio d'a versión en portugués de Perla Vidio d'a versión en danés de Sweethearts Vidio d'a versión en anglés de Judge Dread Atro vidio con a versión -humoristica- de Judge Dread Vidio con l'himno d'o club de fútbol de Pescara Pachina sobre l'himno d'o club de fútbol de Pescara
Categoría:Cancions de Belchica Categoría:Cancions en neerlandés