A Cruzada de Chaime I estió una prebatina fracasada de cruzada en l'anyo 1269,Arcadi García i Sanz, Història de la marina catalana, p.212 que habría estau a novena cruzada.
Chaime I d'Aragón yera en Toledo en nadal de l'anyo 1268 pa asistir a la primera misa de su fillo o infant Sancho d'Aragón, arcebispe d'esta ciudat y recibió una embaixada d'o Ilkhanato de Persia ninviada por Abaqa Khan, que li ofreixeba aduya en una expedición contra Tierra Santa que prochectaba o rei y en a que sería embrecau tamién l'emperador de Romanya Miguel VIII Paleologo.
O 4 de setiembre de 1269 salió de Barcelona u estol de 30 naus grans y cualques galeras, con ueitocientos hombres trigaus, almogavars, templers, hespitalers y os fillos bordes d'o rei Ferrando Sanchez de Castro y Pero Ferrández d'Íxar, un exercito total de 2.500 hombres. A empresa estió un fracaso total por una tronada que obligó a la galera reyal a cubillar-se en Aigües Mortes, cerca de Montpeller, on o rei desembarcó y tornó por tierra a Catalunya mientres només que 11 naus consiguioron arribar a la fin a Sant Chuan d'Acre dirichidas por Ferrando Sánchez de Castro y Pero Ferrández d'Íxar. L'arribada de refuerzos cristianos fue respuesta por o soldán Baybars I con un ataque sobre Acre que causó muitas baixas en os cruzaus. Christopher Marshall, Warfare in the Latin East, 1192-1291, p.28
En o concilio de León d'el Roine de 1274, Chaime ofreixió agafar a cruz pero o suyo ofreiximiento no tenió acullida.
Referencias
Categoría:Cruzadas Categoría:Guerras d'Aragón Categoría:Guerras d'o sieglo XIII