Os Gaiters de Chaca naixen en Chaca (Chacetania) en 2001, dimpués d'un curso de fabricación d'instrumentos (donzaina, gaita de boto y trompa) feito en a Escuela de Musica y Danza "Pilar Bayona" de Chaca. Encara que en primerías estioron-ie arredol de 55 gaiters, huei no'n son que 8 os components d'o grupo (en 2008, cuan s'editó o suyo disco País con chen, 11). Actuoron por primera vegada debant d'o publico una nueit entre o 30 d'abril y l'1 de mayo, chunto con o Grupo Folklórico Alto Aragón, en o "Canto d'os Mayos", mirando de remontar-ie ista perdita tradición.
En 2004 participoron en o disco El agua para las ranas (Canciones por la Dignidad de la Montaña) (L'augua t'as ranas (Cancions por a dignidat d'a montanya)) con dos cancions: País con chen y Yesa for sale (Yesa en venda), ta refirmar a l'Asociación Río Aragón. En a presentación d'iste disco estioron, amás d'os Gaiters de Chaca, Ángel Petisme u A Ronda d'os Chotos d'Embún, entre atros.
A suya musica ye de raso feita y composata por éls, fendo servir a luenga aragonesa, y en as suyas cancions perén son presents Chaca y a Chacetania.
O suyo disco País con chen ye dedicato a Pedro Pueyo, gaiter muerto en 2006.
Components Fran Ponce (Donzaina, gaita de boto y voz) Alberto Benedicto (Percusión) Mariajo Bescós (Guitarrico y voz) Javier Casas (Donzaina, percusión y voz) Kike Curiel (Donzaina, gaita de boto y flauta travesera) Ignacio Navarro (Acordión, guitarra y vriolín) Alfredo Arias (guitarra y baixo) Pedro Pérez (Donzaina y gaita de boto)
Discografía País con chen (2008)
Participacions El agua para las ranas. Canciones por la Dignidad de la Montaña (2004)
Vinclos externos Articlo en o Diario del Alto Aragón sobre os Gaiters de Chaca Vidio con a canción A Güega d'o Somport Vidio con o tema A Punta Grosín
Categoría:Grupos de musica folk d'Aragón Categoría:Grupos de musica d'Aragón Categoría:Grupos de musica en aragonés