Os Chotos ye un grupo de folk aragonés, fundau l’anyo 2000, en o lugar d’Embún (Val d'Echo, Uesca, Aragón).
Historia Os Chotos naixen fa 20 anyos a partir d'o grupo de musicos que acompanyaba a Lo Palotiau d'Embún. Lo nombre d'o grupo dica l'anyo 2010 estió A Ronda d'os Chotos d'Embún.
Las suyas sinyas d’identidat han estau siempre la reivindicación debant d'os problemas socials e politicos de l'Alto Aragón (turismo desmesurau, treballo, urbanismo invasivo, corrupción…) e lo suyo posicionamiento en cuentra d'os pantanos así como lo suyo compromís con la lengua aragonesa.
Lo sentiu de l'humor e la ironía chunto con a utilización de l'aragonés en as suyas letras son un contino e una clara declaración d'intención. La gran carga social e poetica d'as suyas cancions las configuran como un arma que se posiciona en a linia d'a cultura d'a denuncia per medio d'a musica.
En a suya musica, los instrumentos tradicionals (acordión diatonico, cuerdas, dulzaina, gaita, salterio...) son aplicaus a estilos tan diversos como lo tango, la rumba, lo pasodoble, la polka, lo ragtime, lo jazz, la ranchera, lo rock & roll u la jota.
Os Chotos han rondau per numbrosos lugars d'Aragón e han participau en festivals como Barnasasnts, Tradicionàrius, PIR, Aragón Tierra Abierta, Servitas Nuei, Festival Folk de Chiprana, Festival Castillo de Ainsa...
Components Miguelé Abadías (gaita aragonesa, trompa de Ribagorza, dulzaina e chiflos). Ye miembro de Los Gaiteros de Graus e de Chundarata! Daniel Farrán (cuerdas, baixo e percusión). Formau en percusión africana, jazz e solfeyo. Actualment participa como musico en os espectaclos de Xarop de Canya, Companyia Dani Caracola, Paco Gómez, Dani Caracola & Barsiluna Agraw Project, Ministrers de l'Aixada e Batecs del Món. Ha feito parti de prochectos musicals UMA, Orquestra Sant Celoni, lo espectaclo infantil Les Gotes de Colors, Caliuada, Graiatus, Folk Laietà u Sübitus… Dani Caracola (baixo, cuerdas e voz). Cantautor e mayestro de musica, con mas de 20 anyos adedicau a la musica, ye implicau en varios prochectos, entre los cuals destacamos: Brigadas Intergeneracionales (que chira arredol d'a memoria historica), Dani Caracola & La Banda de Ida y Vuelta, en un espectaclo en o que se repasa la cultura musical a traviés d’o planeta. Santi Manresa (jazz, percusión e voz). Estudió caixón flamenco con Juan Flores, congas con o Maestro King, e los perfecciona con Viçens Soler. Ha gravau discos con Gollum Friendse As-amb-la-i. Ye miembro d'a Always Drinking Marching Band e de La Familia RústiKa. Colabora con grupos de musica tradicional cubana como Alexis Echevarría e La Banda del Sr. Sandunga, con Tierras e con Chez Pacheco. Kike Ubieto (acordión diatonico, guitarra, dulzaina, harmonica e voz). Ha pasau por varias formacions de pop e rock e ha formau part de diferents orquestas de baile. Chunto con os musicos que acompanyaban a Lo Palotiau d'Embún funda A Ronda d'os Chotos Embún; ye miembro d’o grupo de folk Chundarata! e en solitario, prochecta a suya faceta de canción d'autor habendo editau un disco (Pan y Circo). Diego Zaldívar (compositor e pianista archentino). Obtién en 2003 lo premio Octubre a la musica ciudadana, que le permetió gravar un disco chunto a Litto Nebbia e altros referents d’o rock, folklore e tango archentinos. Estudió composición e piano n’o CEAMC, IUNA, Manuel de Falla e la EMPA (Buenos Aires). Como cantautor va editar tres discos con os suyos prochectos Plácido Carmesí, Zaldivar Enjambre e solista. Lo suyo treballo en bandas sonoras orquestals pa videochuegos lo va portar en 2013 a Montreal (Quebec, Canadá) aon residió e compuso la musica pa mes de 50 videochuegos. En Archentina, Espanya, Canadá e China ha colaborau con numbrosos artistas como instrumentista, compositor, adrezador, productor e escritor de cancions.
Discografía L'Arco San Chuan (2002, con o nombre d'A Ronda d'os Chotos d'Embún) Taratita (2005, con o nombre dA Ronda d'os Chotos d'Embún)Abril ye transparent (2010)Biellos Tiempos (2016) Cadenzias (2018) Plantando fuerte (2023)
Participacions A Ixena 2 El agua para las ranas. Canciones por la dignidad de la montaña Allá donde vivía (Corridos y rancheras en el Pirineo) A tus brazos otra vez (Corridos y rancheras en el Pirineo) Compartiendo. Música aragonesa por Kami. Canto a la Libertad. Un himno para un pueblo. Brigada Intergeneracional para la recuperación de la Memoria Histórica (1). Brigada Intergeneracional para la recuperación de la Memoria Histórica (2). Flamas. Las millors canzions en aragonés. (Olga y los ministriles)
Se veiga tamién Choto. Hombre choto de Guarguera.
Vinclos externos Os Chotos en Spotify Os Chotos en Youtube Os Chotos en Facebook Os Chotos en Bandcamp O Chotos en o blog folkAragón
Categoría:Grupos de musica folk Categoría:Grupos de musica d'Aragón Categoría:Grupos de musica en aragonés Categoría:Grupos de musica en castellano