Paisache Protechiu de Sant Chuan d'a Penya y Mont Uruel ye un paisache protechiu situau en a Chacetania, en a provincia de Uesca. Os dos elementos que mas destacan son aquels a os que fa referencia o suyo propio nombre: o monesterio de Sant Chuan d'a Penya y a penya Uruel.
Dende 1920 ye Puesto Natural d'Intrés Nacional, estando un d'os primers espacios naturals en obtener ista declaración en o Estato Espanyol. En Aragón ye definiu como Paisache Protechito dende l'anyo 2007 y ye tamién amás Zona d'Especial Protección ta as Aus (ZEPA) y Puesto d'Importancia Comunitaria (LIC).
Cheolochía 250px|thumb|left|Penya Uruel Se puet dividir o Paisache Protechiu en dos formacions prencipals: a sierra de Sant Chuan d'a Penya, con una altaria maxima de 1.550 metros, y o mont Uruel que plega dica os 1.770 metros d'altaria.
Destacan os conglomeraus, rocas sedimentarias de tipo detritico formata por ruellos de glera u cantals unitos por un cemento de precipitación quimica, que forman cinglos.
Flora y fauna As dos formacions debanditas constituyen un sobrebuen ecosistema de meya montaya. As selvas son densas y bi ha cinglos de conglomerau que sirven de refuchio a colonias de aus rapaces.
A vechetación varia mientres puyamos. En as zonas mas baixas y con mas horas de sol se pueden trobar caixicos y carrascas, amás d'una selva de soto formada mas que mas por buixos, aliagas y brinzons. En puyar apareixen pins silvestres, fabos y abez en os puesto a on bi ha menos horas s'insolación y d'atra man selvals, teixos y acirons. thumb|250px|Trencauesos Entre a fauna se pueden trobar diferents especies d'aus en periglo d'extinción como o trencauesos y mamiferos como chabalins, corzos, fuinas martas u teixudos
Patrimonio cultural No cal xublidar o important patrimonio cultural d'a zona, con o monesterio de Sant Chuan d'a Penya, cuna d'o reino d'Aragón.
Se veiga tamién Monesterio de Sant Chuan d'a Penya Penya Uruel
Vinclos externos Los paisajes protegidos de Aragón en GEA
Sant Chuan d'a Penya y Mont Uruel Categoría:Zonas d'especial protección pa las aus d'Aragón