O cuarz ye o segundo mineral mes abundant d'a crosta terrestre, dimpués d'os feldespatos. Ye formato por un tarabidato contino de tetraedros de SiO4+4, con cada oxicheno compartito entre dos tetraedros, dando una formula global de SiO2.
Bi ha muitas variedaz de cuarz, belunas d'ellas son piedras semipreciosas. En Europa y Orient Meyo as variedaz de cuarz han estato os minerals que mes a sobén han feito servir en choyería y pa tallar figuretas de piedra.
Cuarz ye una parola d'orichen alemán; as mencions a las formas bien cristalizadas d'este mineral en aragonés medieval corresponden en cualques casos a la denominación de cristal (con variants ortograficas como chystayll, por eixemplo en un inventario de biens provinient de Ciresa Tomás Buesa Oliver: En torno a un inventario siresano de 1266 (Dudas léxicas aclaradas por Berceo). Berceo, ISSN 0210-8550, Nº 94-95, 1978 , p 227), que yera una materia prima pa fer obchectos decorativos d'alto pre.
Referencias
Veyer tamién Feldespatos. Chacinto de Compostela. Ametista. Cuarz citrín. Pedrenya.
Vinclos externos
Categoría:Cuarz