O ciervo u pardo () ye una especie de mamifero de l'orden Artiodactila, familia Cervidae, distribuita por o Palearctico y a sola especie d'o suyo chenero autoctona d'Europa.
Zoonimia O zoonimo mes documentau en textos medievals navarro-aragoneses ye ciervo, visible en o "Vidal Mayor":
Tamién en o "Fuero Cheneral de Navarra":
En o "Libro d'el Trasoro" en parlan baixo o epigrafe de cieruo:
O zoonimo ciervo, coincident con o castellano debe estar cheneral en cuasi tot l'Alto Aragón. Manimenos Rafael Vidaller Tricas lo menciona només que en Botaya. Os toponimos Cervera son muito estendillaus en Aragón, Catalunya y Valencia, y en bel caso se remontarían a lo latín cervaria ("puesto con muitos ciervos"), en atros a como se diz en catalán l'árbol "cerollera".
Podió haber-ie atros zoonimos relacionaus con o latín Vanatus, que en castellano ha dau venado, pus en La Rioja tenemos toponimos como Valvanera. En Valle de Vio tenemos a denominación de pardo.
Subspecies S'han definiu diferents subspecies: Cervus elaphus elaphus, propio d'Europa Occidental dende o sud de Suecia dica Francia. Cervus elaphus scoticus, propio d'os Hihglands d'Escocia y as suyas islas, y tamién se troba en enclaus d'Anglaterra y Irlanda Cervus elaphus hippelaphus, propio d'Europa Central y os Balcans. En os Alpes occidentals y os Carpatos ye aislau. Cervus elaphus hispanicus, propio d'a Peninsula Iberica. Cervus elaphus barbarus, propio d'a Berbería. Cervus elaphus corsicanus, propio de Cerdenya y antigament tamién de Corcega. Cervus elaphus maral, propio d'Anatolia, Caucas y redolada d'a Mar de Caspia. Cervus elaphus bactrianus, propio d'Afganistán, Cazaquistán, Tachiquistán, Turkmenistán y Uzbekistán. Cervus elaphus yarkandensis, propio de Xinjiang. Cervus elaphus hanglu, propio de Caixmir.
Mitolochía O ciervo, como animal de mida gran en a fauna europea amaneix en as mitolochías de bel pueblo d'Eurasia como por eixemplo os aragoneses (lechenda d'a fundación d'o Monesterio de Sant Chuan d'a Penya), y tamién sale en atros mitos euroasiaticos de cazata ritual como entre os hongaros, que lo fan extensible a los hunnos. Antes d'existir Aragón y os aragoneses en o territorio nord-este d'a Hispania romana ya bi heba mitos asociaus a los ciervos, como a cierva blanca de Sertorio, que a compilación historica "Grant Cronica d'Espanya" de Chuan Ferrández d'Heredia transmite:
En a mitolochía griega o ciervo ye asociau a Artemis, y en a mitolochía romana o ciervo ye l'animal consagrau a Diana. O ciervo prenió una gran importancia en a mitolochía celta, y bi heba un dios con cuernos de ciervo Cernunnos. En Irlanda o ciervo ye l'animal totemico d'os fianna en o Ciclo de Leinster.
Referencias
Vinclos externos
Elaphus Categoría:Fauna d'Europa Categoría:Fauna d'Asia Categoría:Fauna d'os Pireneus Categoría:Mamiferos d'Aragón Categoría:Taxons nombraus por Carl Linnaeus