O corindón ye un mineral con formula Al2O3, d'o grupo d'os oxidos y con dureza 9.
Como mineral petrochenetico se troba en ambients metamorficos. Ye posible de trobar-ne tamién pero en cantidaz chicotas en ambients pegmatiticos-neumatoliticos. En ambients exochenos se troba en placers, chacimientos fluvials de minerals alavez densos y duros.
O corindón tien variants que constituyen chemas como o rubín (royo) y o safiro (azul y d'atras colors). A color roya intensa d'os rubins orientals ye por a presencia de cromo. A color azul intensa d'os safiros orientals ye por a presencia de fierro y titanio. Si bi ha presencia de chicotas cantidaz d'atomos estranios o corindón ye incoloro y se diz "leucosafiro". Si bi ha puntos defectuosos en o ret cristalín se diz padparatscha.
Referencias
Bibliografía Olaf Medenbach, Cornelia Sussieck-Fornefeld: Minerales. Guías de la naturaleza Blume. 1990.
Categoría:Oxidos (minerals) Categoría:Minerals petrocheneticos