Berna (en alemán Bern, en alamanico bernés Bärn, en francés Berne, en italiano y rumanche Berna, en francoprovenzal Bêrna) ye una ciudat suiza d'o cantón de Berna, situata en o districto de Berna. Ye a capital de Suiza y d'o cantón d'o mesmo nombre.
Berna tien una población de 300.000 habitants incluyindo la suya aria metropolitana, a mayoría charran alemán. A ciudat ye trescruzata por o río Aar.
A ciudat de Berna ye declarata Patrimonio d'a Humanidat por l'UNESCO, por os suyos molimentos medievals. Por ixo, Berna ye miembro d'a Organización d'as Ciudaz d'o Patrimonio d'a Humanidat.
Historia A fundación de Berna estió en 1191, por Bertoldo V de Zähringen, o zaguer duque de Zähringen. Seguntes a falordia, o duque dio o nombre a Berna dimpués de matar un onso (bär en alemán, que s'afirma ye l'orichen etimolochico d'o nombre de Berna). Por ixo dende ixas calendatas bi ha onsos en a ciudat.
En 1353, Berna s'incorpora a la Confederación Suiza, como o suyo uiteno cantón, o cantón de Berna.
En 1405, bi habió un incendio, que destruyió a ciudat, reconstruyita dimpués.
En 1848, a nueva Constitución de Suiza en fa a capital d'o país.
Referencias
Vinclos externos
*