thumb|250px|Arena de cuarz O siliceYe tanto masculín como femenín ye dioxido de silicio (SiO2), un compuesto quimico present en a naturaleza baixo diferents formas, cristalinas (cuarz, cristobalita, etcetera), u amorfas (obsidiana, veire, etcetera), y por un regular predomina en l'arena en forma de grans de cuarz. Bi ha sers vivos con clasca de silice: principalment as diatomeas y radiolarios.
O silice combinato con diferents elementos quimicos (especialment Al, Fe, Mg, Ca, Na, K) forma os silicatos, os minerals mayoritarios en a crosta terrestre y manto superior.
O dioxido de silicio cristalizato ye un material d'alta dureza, se fa servir pa producir ondas radioelectricas d'una frecuencia muito precisa, o que ye útil pa fabricar reloches, aparatos de radio, ordinadors y cualsiquier equipo electronico con frecuencia radioelectrica muito precisa.
Ciclo exochen d'o silice A mayor parte d'o silice movilizato en o ciclo exochen provién de l'alteración de rocas que ya existiban, ígnias u no, y, en menor proporción, por l'aporte directo d'os volcans y actividaz cheotermicas, circulando en suspensión coloidal u como disolución verdadera. A solubilidat ye en función directa d'a temperatura y cristalinidat d'o material silicio, u independient d'o pH, pa valors d'o mesmo inferiors a 9, puyando muitismo en medios con ph superiors. A presencia en o medio d'electrolitos u suspensions afecta de manera significativa en a solubilidat, os sers vivos intervienen de traza decisiva en o ciclo d'o silice, fixando-la en as closcaranas por medio de l'actividat vital.
Cuan baixa a solubilidat d'o silice por cambios de temperatura u pH, actividat biolochica, precipitación directa como cuarz en medios vadosos y indirecta como silicatos sodicos en lacos alcalins, a mes d'a coagulación d'o silice que ye trasportata en forma coloidal, o silice s'adhibe a lo sedimento con diferents formas mineralochicas. En a diachenesi os diferents procesos de deshidratación, cristalización en chels, recristalización y reemplazamiento, etc. alteran a mineralochía d'os dipositos inicials, tot orichinando rocas con una cristalinidat progresivament mes alta en función d'a intensidat d'os procesos diacheneticos.
Notas
Referencias
Categoría:Compuestos quimicos