O Refuchio de Fauna Silvestre d'a Lacuna de Sarinyena ye un Refuchio de Fauna Silvestre d'Aragón, tien una superficie de 604 hectarias y fue declarato o 4 d'abril de 1995. A lacuna de Sarinyena se troba en os Monegros uescanos, en o termin municipal de Sarinyena, entre as cuencas d'os ríos Alcanadre y Flumen.
A lacuna de Sarinyena ye d'orichen endorreico. As suyas auguas tienen una alta concentración de sals debito a o clima arido que fa que as precipitacions sían pocas y que bi haiga una intensa evaporación en verano.
Fauna 230px|left|thumb|A lacuna de Sarinyena Entre a fauna d'a lacuna podemos trobar aguiloz, aucas, azulons, garzas marinas (Vanellus vanellus), anadetas, cuervos marins, pescairez boyers, gaviotas redideras (Chroicocephalus ridibundus), garrapescaires y gallos d'augua.
Flora L'alta concentración de sal en a lacuna y en os terrenos d'a redolada d'ista fa que se i trobe vechetación halofila como salicornias y sosas.
En os anyos 1970 se metió regano en os arredols d'a lacuna, lo que prevocó que i puyase o ran de l'augua, modificando-se a concentración salina d'a redolada. Ta solucionar o problema se proposó a construcción d'una canal de drenache que rodiando a lacuna ta guaranciar un ran d'augua parellán mientres tot l'anyo. A consecuencia dreita ye que se formó un aniello de carrizal arredol d'a lacuna, constituindo un d'os puestos mas importants ta as aus de tot Aragón.
Atras figuras de protección Zona d'Especial Protección ta as Aus (ZEPA)
Vinclos externos Refuchio de Fauna Silvestre d'a Lacuna de Sarinyena
*