Radio Las Fuentes (Radio Las Fuents en aragonés) estió una emisora de radio libre que emitiba dende o barrio de Las Fuents de Zaragoza (Aragón).
Historia En 1989 enceta as suyas emisions dende un local d'a carrera Leopoldo Romeo, seu local d'o Partido Comunista de España en o barrio.
A emisora se translada ta o Centro Civico Salvador Allende, antigo Matadero Municipal de Zaragoza, malas que en l'anyada 1991 Izquierda Unida obtiene a concellería d'o districto de Las Fuents. O Centro Civico ofreixeba a la radio un espacio, equipamiento y financiación, qualcosa luent d'o prencipio d'autochestión d'as Radios libres. Iste feito chunto con o patrocinio comercial d'a suya programación, fació que ise por un camín propio entre as radios comunitarias y as libres.
Con a regulación por lei de l'asignación de freqüencias a emisoras municipals en l'anayada 1992, fació un poder por estar reconoixida como emisora municipal sin coseguir-lo. Una anyada dimpués remata o prochecto de Radio Las Fuentes ta tornar-se en Onda Zaragoza. Muitos d'os suyos programas se'n fuón ta atras Radios Libres d'a ciudat, atros como a locutora Beatriz Pitarch han rematau como profesionals en Radios comercials.
Onda Zaragoza En 2003 y baixo a suposada obligación de deixar o local municipal que feban servir, a Chunta Directiva prenió a decisión d'acotolar o prochecto de Radio Las Fuentes y asociar-se en sociedat con un empresario de l'ambito d'a comunicación. O resultau estió Onda Zaragoza, una radio comercial sin licencia que tasament emitió mientres un anyada.
Se veiga tamién Federación Aragonesa de Radios Libres Radio Libre Radio Comunitaria Radio Comercial Pirata Onda Zaragoza
Vinclos externos Historia d'as Radios Libres en Zaragoza Rebelde Radio Las Fuentes en myspace.com
Categoría:Emisoras de radio d'Aragón Categoría:Emisoras de radio en castellano