A Republica Socialista Sovietica de Cazaquistán (en cazaco Қазақ Советтік Социалистік Республикасы) estió a segunda republica en amplaria d'as que formoron a Unión Sovietica, en l'Asia Central, y ye hue lo día o estato independient de Cazaquistán. Teneba una superficie de 2,717,300 kilometros cuadraus (1,063,200 millas cuadratas) y a suya capital yera Alma-Ata.
Historia Establita o 26 d'agosto de 1920, inicialment estió una republica autonoma dentro d'a RSSF de Rusia. O 5 d'aviento de 1936 se convertió en una republica independient d'a URSS, clamata RSS de Cazaquistán. Mientres os 50 y os 60 os ciudadans sovieticos fuoron clamatos a aduyar a poblar as "Tierras vírchens" d'a RSS de Cazaquistán. A influencia d'os inmigrants (mayoritariament rusos, (pero incluindo bellas minorias nacionals deportadas) favoreixioron a mezcla racial y premitioron que o numero de Cazacos fuese inferior a los no-cazacos. Os atros grupos etnicos incluyiban ucraineses, alemans d'a Volga, belarrusos, coreanos, y atros; os alemans en l'inte d'a independencia formaban alto u baixo lo 8% d'a población, a mas alta concentración d'alemans en toda la Unión Sovietica. A independencia fació que muitos d'estos nuevos habitants emigrasen. O 10 d'aviento de 1991 a RSS de Kazakistán fue renombrata "Republica de Cazaquistán" y seis días dimpués declaró a suya independencia.
Población A población nativa son os cazacos (4,234,000 en 1970). En 1970, a republica teneba un numero apreciable de rusos (5,522,000) y ucraineses (933,000). En as tierras deserticas d'o norte de Cazaquistán, i heba tartaros (288,000), uzbekos (216,000), y belarrusos (198,000).
Se veiga tamién Historia de Cazaquistán