O Xinjiang u Xīnjiāng (en uigur : شىنجاڭ Shinjang — nombre oficial chinés : 新疆, pinyin Xīnjiāng, « Rechión autonoma uigur d'o Xīnjiāng »), dita igualment Turquestén oriental, ye una d'as cinco rechions autonomas d'a Republica Popular de China, con estatuto particular, como a Mongolia Interior u o Tibet. Situato en o suyo cabo ueste, s'estendilla uns 1660001 km² y ocupa un seisén d'o territorio chinés. O Xīnjiāng poseye une muga común con ueito paises: Mongolia, Rusia, A India, Pakistán, Kirguizistán, Cazaquistán, Afganistán y Tachiquistán. A suya capital ye Ürümqi.
Población por etnias y nacionalidaz O Xīnjiāng ye poblato en a mes gran part por os uigurs, un pueblo turquico, pero tamién d'atros pueblos d'Asia Central como os cazacos, os kirguizes, os tartaros, os uzbekos y os tachicos bi son presents. Seguntes o zaguer censo chinés, a población d'estas etnias, practicants en cheneral d'a relichión musulmana, practicata tamién por os huis, ye d'un poquet mes de 11 millons, d'os cuals os 8,68 millons d'uigurs son a mes gran part. Encara son mayoritarios, pero a presión demografica y cultural d'os hans u chineses etnicos amenaza a suya supremacía.
Os 9 millons d'atros habitants d'a rechión son en a suya mayoría hans. A proporción de hans en a población d'a rechión ha pasato d'o 6 % en 1949 a mes de 40 % en 2006 (cifra subestimata pero no comprende os treballadors temporals ni os militars). Viven sobretot en as ciudaz. thumb|left|Tres mesachas uigurs en o mercato de Khotan.
Nacionalidat Porcentache 1. Uigurs 45,6 % 2. Hans 40,1 % 3. Cazacos 6,7 % 4. Huis 4,5 % 5. Kirguizes 0,9 % 6 . Mongols 0,8 % 7. Tachicos 0,21 % 8. Xibos 0,21 % 9. Manchús 0,1% 10. Uzbekos 0,08 % 11. Rusos 12. Dagur 13. Tartaros
Referencias China Statiscal Yearbook 2008 (cifras de 2006).
Categoría:Cheografía de China