O falcón d'Alionor ( (Gene, 1839)) ye una especie de falcón distribuita por ciertas costas y islas d'a mar Mediterrania, Marruecos y Canarias que hiberna en Madagascar. Prene o suyo nombre en honor a Alionor d'Arborea, chueza d'Arborea que en zaguerías d'o sieglo XIV establió una lechislación de protección d'as aus rapinyeras, a primera conoixida.
Habitat y distribución Cría en cinglos d'a marguin d'a mar de muitas costas y islas d'a Mediterrania: en Turquía, Grecia, Dalmacia, Cerdenya, Sicilia, atras parz d'Italia, Túniz, Alcheria y Marruecos. Tamién se troba en a costa atlantica de Marruecos y en as Islas Canarias. Se troba en as Islas Columbretes y en as Islas Balears; en a isla de Sa Dragonera ye a colonia de cría mes gran d'esta especie d'a Mediterrania occidental. Hiberna en Madagascar y en a suya rota migratoria pasa por a mar Roya.
Rechistro fósil Ya se troba fósil en chacimientos d'edat Günz-Mindel (biozona MNQ 21 adintro d'o Pleistoceno meyo en Francia y Italia; en o Pleistoceno superior se troba en chacimientos de Francia, Italia, Grecia, Península Iberica, Mallorca, Ibiza, Creta y Tylos. A solo chacimiento fósil d'os Pireneus a on se troba ye o de Izturitze,Oscar Arribas: Fauna y paisaje en los Pirineos en la Era Glaciar. Lynx Ediciones. (Pireneus Atlanticos) d'edat Würm IV.
Alimentación S'alimenta d'insectos y de muixons chicoz que ensopinan en l'aire.
Reproducción Ye tardano criando en relación a totas as aus rapinyeras y la mes gran part d'as aus europeas, y la fa coincidir con o paso d'as chicotas aus migraderas en agüerro por as costas mediterranias.
Cría en colonias. A puesta la fan en faixas en os cinglos. Ponen 2-4 uegos, rosaus con tacas marrons.
Referencias
Vinclos externos
Eleonorae Categoría:Fauna d'as Islas Balears Categoría:Fauna de Canarias Categoría:Fauna de Cerdenya